ترەمپ لە پۆتین ناڕازییە و مۆڵەتی 50 رۆژی پێدەدات

SKY NEWS

کۆبوونەوەی سەرۆکی ئەمریکا و سکرتێری ناتۆ

دۆناڵد ترەمپ سەرۆکی ئەمەریکا لە هاوتە روسییەکەی ناڕازییە و رایگەیاند:" ئەگەر ئاگربەستی جەنگی ئۆکراین و روسیا لە ماوەی 50 رۆژی دیکە رانەگەیەندرێت، ئەوا ئەمریکا تاریفەی گومرگی زۆر بەرز بەسەر روسیادا دەسەپێنێت ".

لە میانی دیدارێکیدا لەگەڵ مارک ڕوتە سکرتێری گشتی ناتۆ لە کۆشکی سپی، ترەمپ بە ڕۆژنامەنووسانی ڕاگەیاند:" لە  ڤلادیمێر پوتینی هاوتا ڕووسییەکەم بێ هیوا بووم و بەهۆی جەنگی ئۆکراینەوە زۆر لێی ناڕازییم".


ئاماژەی بەوەشکرد، "ئەگەر لە ماوەی 50 ڕۆژی داهاتوودا بۆ وەستانی جەنگ ڕێککەوتن نەکرێت،ئەوا ئەمریکا باجی زۆر قورس بەسەر روسیادا  دەسەپێنین، بەشێوەیەک بەشێک لە باجەکان دەگاتە 100%".

ترەمپ دووپاتی کردەوە:" دەیەوێت ببینێت کە جەنگی ئۆکراین کۆتایی هاتووە".
سەرۆکی ئەمریکا ئاماژەی بەوەشکرد:" ئەمریکا چەکی زۆر پێشکەوتوو بەرهەمدەهێنێت و بۆهاوپەیمانێتی ناتۆی دەنێرێت و ناتۆش نرخەکەی دەدات".

PUKMEDIA