زیاتر لە 272 ملیۆن منداڵ لەجیهاندا لە خوێندن بێبەشن

UNICEF

منداڵێک لە درعای سوریا

زیاتر لە 272 ملیۆن منداڵ لە سەرانسەری جیهان لە خوێندن بێبەشبوون و رێکخراوی هیومان رایتس وۆچ-یش ئاشکرای دەکات:" ئامارەکان لە هەڵکشاندان و لە خوێندنی ئامادەیدا نزیکەیی 21 ملیۆن منداڵ زیادیکردووە و ئەمەش تەواوی ئامارەکە نییە ".

رێکخراوی جیهانی مافەکانی مرۆڤ ناسراو بە هیومان رایتس وۆچ لە ئامارێکیدا رایگەیاند:" دوایین ئامارە جیهانیەکانی تایبەت بە پەروەردە ئەوە نیشاندەدەن، کە 272 ملیۆن منداڵ و گەنج لە ساڵی 2024دا لە قۆناغی سەرەتایی و ناوەندی بێبەشبوون لە خوێندن".

ئاماژەی بەوەشکردووە:" نزیکەی 200 ملیۆن منداڵ لە دەرەوەی خوێندنی ئامادەیین، کە ئەم ژمارەیە بەراورد بە ساڵی 2023 بە نزیکەیی 21 ملیۆن زیادیکردووە".

هیومان رایتس وۆچ ئاماژەی بەوەشکردووە:" ئەم ژمارە شۆککەرە و  تەواوی ئامارەکە نییە، چونکە پەیمانگەی یونسکۆ بۆ ئامار و راپۆرتەکانی چاودێریە جیهانیەکانی پەروەردە باس لەوە دەکەن کە لەو ناوچانەدا، کە شەڕی تێدان، 13 ملیۆن منداڵ لە دەرەوەی قوتابخانەن".

لە کۆتایشدا،رێکخراوی هیومان رایتس وۆچ ئاماژەی بەوەداوە:"ئەگەر ئامارەکە هەموو ئەو منداڵانە لە خۆ بگرێت کە لە جیهان و لەو ناوچانەی لە شەڕیان تێدایە لە سودان و غەززەوە ، کۆی گشتی منداڵان دەگاتە نزیکەی 285 ملیۆن".

PUKMEDIA