عیماد ئەحمەد: بۆ لەدەستدانی هادی غوڵام نیگەرانین

PUKMEDIA

تێكۆشەری دێرین و وەرگێڕ هادی غوڵام

عیماد ئەحمەد، بۆ كۆچی دوایی تێكۆشەری دێرین و وەرگێڕ هادی غوڵام، پرسەنامەیەك ئاڕاستەی كەسوكار و هاوسەنگەرانی دەكات كە ئەمە دەقەكەیەتی:

بەڕێزان كەسوكار و هاوسەنگەر و هاوڕێیانی تێكۆشەری دێرین و نوسەر و وەرگێڕ كاك هادی غوڵام

بەداخ و پەژارەیەكی زۆرەوە، هەواڵی 
ژیانئاوایی كاك ( هادی غوڵام )ی براو هاورێم  پێگەیشت .

كاك هادی كادرێكی دیاری یەكێتی نشتیمانی كوردستان بوو،  خۆشەوسیت و تێكۆشەری ناوچەی گەرمەسێر بوو  ...هەر بۆیە بە لەدەستدانی زۆر دڵ تەنگ و نیگەران بوین…

داخەكەم....
هادیشمان بەدڵ شكاوی دایە شەقەیباڵ و فڕینی ئەفسونی و سەفەری ئەبەدی خۆی كرد 

هاورێیان....
هادیشمان لە كیسچوو

خانەقینەكەم ....
ئەزانم چەند غەمباری، بەداخەوە 
زەمەنیش رۆژانە غەمبارتر دەكات
رۆژانە، هەر كوڵەو لە باخەكانت دەوەرێ 
هەر دارەخورمایەو رەگی دەسوتێ

هادی غوڵامی تێكۆشەر و رۆشنبیر و دوبلوماتكار و وەرزشكاری شارەكەم سەری نایەوە و بوو بە میوانی هەتاهەتایی سەلام عەبدولرەزاق و ئیبراهیم عەرەب و مەحەمەد سایەخان و ئیبراهیم باجەلان و مامۆستا موحسین،  كادرانی دیار و بەناوبانگی یەكێتی لاوانی خانەقینی سەرەتای حەفتاكانی سەدەی رابردوو.

 بۆ ئەم خەمە گەورەیە پرسەو سەرەخۆشی لە خۆمان و تەواوی كەسوكارو بنەماڵە سەربەرزەكەیان دەكەین و هاوبەشی ماتەمیانین…

لەخوای گەورە داواكارین گیانی پاكی كۆچكردوو بەبەهەشتی بەرین شاد، سەبووری هەموو لایەكمان بدات 

عیماد ئەحمەد

PUKMEDIA