سەرۆک بافڵ پرسەنامەیەک ئاڕاستەى کاروان یاروەیس دەکات

PUKMEDIA

بافڵ جەلال تاڵەبانی سەرۆکی یەکێتیی نیشتمانیی کوردستان

بافڵ جەلال تاڵەبانی سەرۆکی یەکێتیی نیشتمانیی کوردستان، بۆ کۆچى دوایى عەلی یاروەیس، باوکى کاروان یاروەیس، ئەندامی ئەنجوومەنی نوێنەرانی عیراق پرسەنامەیەکى ئاڕاستەى  بنەماڵەکەیان کرد، کە ئەمە دەقى پرسەنامەکەیە:

بەڕێز کاک کاروان یاروەیس، ئەندامی ئەنجوومەنی نوێنەرانی عیراق

بەداخ و خەمێکی زۆرەوە، هەواڵی کۆچی دوایی عەلی یاروەیس، باوکی بەڕێزتانم پێگەیشت.

بۆ ئەم خەمەتان پرسە و سەرەخۆشی ئاڕاستەی ئێوە و کەسوکار و خانەوادە سەربەرزەکەتان دەکەم، هاوبەشی ماتەمتانم.

لە خوای گەورە داواکارم گیانی کۆچکردوو بە بەهەشتی بەرین شادبکات، سەبووری و ئارامی بە هەموولایەک ببەخشێت.

بافڵ جەلال تاڵەبانی
سەرۆکی یەکێتیی نیشتمانیی کوردستان

PUKMEDIA