سەرۆک بافڵ هاوخەمی ئاڕاستەی خانەوادەى زیرەک خضر دەکات

PUKMEDIA

بافڵ جەلال تاڵەبانی سەرۆکی یەکێتیی نیشتمانیی کوردستان

بافڵ جەلال تاڵەبانی سەرۆکی یەکێتیی نیشتمانیی کوردستان، بەهۆى  کۆچى دوایى  پێشمەرگەی دێرین و تێکۆشەر زیرەک خضر، پرسەنامەیەکى ئاراستەى خانەوادەکەى کرد، کە ئەمە دەقەکەیەتى:

بەڕێزانمان لە خانەوادەی پێشمەرگەی دێرین و تێکۆشەر زیرەک خضر

بەداخ و خەمێکی زۆرەوە هەواڵی کۆچی دوایی پێشمەرگەی دێرین و پارتیزان مامۆستا (زیرەک خضر)مان پێگەیشت.

بۆ ئەم خەمە پرسە و سەرەخۆشی لە ئێوە و کەسوکار و بنەماڵە سەربەرز و تێکۆشەرەکەتان دەکەم، کە نموونەیەکی باڵان لە خەباتی رزگاریخوازی گەلەکەمان. 

لەخوای گەورە داواکارین گیانی هەڤاڵی کۆچکردوومان بە بەهەشتی بەرین شاد بکات  و ئارامی و دڵنەوایی بە هەموولایەک  ببەخشێت. 

دڵسۆزتان 
بافڵ جەلال تاڵەبانی 
سەرۆکی یەکێتیی نیشتمانیی کوردستان

PUKMEDIA