هاوخەمی قوباد تاڵەبانی بۆ کۆچی دوایی قەرەنی

نوسینگەی رۆژنامەوانی قوباد تالەبانی

قوباد تاڵەبانی جێگری سەرۆکی ئەنجومەنی وەزیران

قوباد تاڵەبانی جێگری سەرۆکی ئەنجومەنی وەزیران، بۆ کۆچی دوایی هونەرمەندی شێوەکاری دیاری کوردستان (قەرەنی جەمیل)، پرسەنامەیەک ئاڕاستەی بنەماڵەکەیان دەکات.

دەقی پرسەنامەکە:

بەڕێزان خانەوادە و هونەرمەندان و هاوڕێیانی کۆچکردوو قەرەنی جەمیل

زۆر بەداخەوە هەواڵى کۆچی دوایی هونەرمەندی شێوەکاری دیاری کوردستان (قەرەنی جەمیل)م بیست. 

کۆچکردوو مامۆستای پەیمانگای هونەرە جوانەكانی هەولێر و هونەرمەندێکی دڵسۆز و بەئەزمونی بواری هونەری شێوەکاریی بوو کە دەیان پیشانگەی لە وڵاتانی دەرەوە بۆ تابلۆ ناوازەکانی کردبۆوە و ژمارەیەکی زۆریش هونەرمەند لەسەر دەستییان پەروەردە کران، بۆ هەتایە جێگەدەستی لەبوارەکەدا دیاردەبێت.

بۆ ئەم کۆچە، هاوبەشی خەمی خانەوادە و هونەرمەندان و ئازیزانیم و پرسەو سەرەخۆشیان لێ ئەکەم. خوای گەورە لێی خۆش بێت و جێگەی بەهەشت بێت، سەبورى و دڵنەواییش بەهەموو لایەک ببەخشێت.

انا لله وانا اليه راجعون

قوباد تاڵەبانی
جێگری سەرۆکی ئەنجومەنی وەزیران

PUKMEDIA