هاوخەمی شاڵاو کۆسرەت رەسوڵ بۆ کۆچی دوایی هونەرمەند قەرەنی

PUKMEDIA

پرسەنامە

شاڵاو کۆسرەت رەسوڵ، بۆ کۆچی دوایی هونەرمەندی گەورەی کورد (قەرەنی جەمیل)، پرسەنامەیەک ئاڕاستەی بنەماڵەکەی دەکات.

دەقی پرسەنامەکە:

بەڕێزان: خانەوادەو کەسوکاری هونەرمەند قەرەنی جەمیل

بەداخێکی زۆرەوە هەواڵی کۆچی دوایی هونەرمەندی گەورەی کوردو داهێنەری بواری شێوەکاری (قەرەنی جەمیل)م بیست، دڵگران و خەمباری کردم، هاوبەشی خەمتانم.

هونەرمەند قەرەنی جەمیل یەکێک بوو لە هونەرمەندە گەورەو بەتواناکانی کورد، لەبواری شێوەکاری دەستێکی باڵای هەبوو، تابلۆکانی و هونەرەکەی گوزارشت بوو لە ئێش و ئازارەکانی میللەتەکەمان، هونەرەکەی لە کورستان و دەرەوە تەرخانکردبوو بۆ گەیاندنی ئێش و ئازارەکانی گەلەکەمان بە دنیای دەرەوە.

بەداخەوە بۆ ئەم کۆستەو لەدەستدانی ئەم هونەرمەندە گەورەو پڕ ئەزموونەی کوردستان، پرسەو سەرەخۆشی و هاوخەمی خۆم ئاراستەی خانەوادەو کەسوکارو هاوڕێیانی هونەرمەند دەکەم، داواکارم لە خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.

براتان
شاڵاو کۆسرەت رەسوڵ

PUKMEDIA