یەکێتی رێز لە رۆڵی کەسایەتی و سەرۆک هۆزەکان دەگرێت

PUKMEDIA

سەردانی وەفدێکی مەکتەبی سکرتارییەت بۆلای حەمەی حاجی مەحمودی هارونی

ئەمڕۆ چوارشەممە ٢٦ـی ٦ـی ٢٠٢٤، وەفدی سکرتارییەتی سەرۆک مام جەلال، مەکتەبی سکرتارییەت لە دەربەندیخان سەردانی کەسایەتی و تێکۆشەری دێرین و سەرۆکی عەشیرەتی هارونی و دۆستی دێرینی سەرۆک مام جەلال کاک حەمەی حاجی مەحمودی هارونی کرد و تەندروستیان پرسی و هیوای تەندروست باشی هەمیشەیان بۆ خواست.

لەو سەردانەدا رۆڵی کاکە حەمەیان بەرزنرخاند لە بەشداری شۆڕش و پشتگیریکردن لە خەباتی رەوای گەلی کورد کە هەمیشە دیوەخان و ماڵی لەخزمەتی هەمووان و چاکەی گشتی و ئاشتەوایی کۆمەڵایەتی دا بووە و رایگەیاند: "یەکێتی شانازی بەهەموو ئەو کەسایەتیە کۆمەڵایەتی و هۆزانەوە دەکات کە بەشێکی گرنگ بوون لە سەرخستنی شۆڕشی نوێ و بەهێزکردنی گیانی پێکەوەیی ئەمڕۆش پشتگیری هەر هەوڵێک دەکەین کە رۆحیەتی میانڕەوی و پێکەوەژیان لەناو کۆمەڵگای کوردی پەرەپێدەدات" .

لەبەرامبەردا هەڤاڵ کاکە حەمەی حاجی مەحمودی هارونی وێڕایی  سوپاسگوزاری، دووپاتی لە بەردەوامی هەوڵەکانی کردەوە بۆ پاراستنی کەلتووری پێکەوەیی و پێکەوەژیان و پاراستنی بەهابەرزەکانی کوردەواری .
PUKMEDIA