شەش واقعی ئازاربەخش لەبارەی ڕۆژئاوای کوردستانەوە

د.عەدالەت عەبدوڵڵا

کورتبوونەوەی خەباتی ڕۆژئاوای کوردستان، لەوەی هەسەدە تێکەڵ بە سوپای سوریا بکرێت و هەندێ مافی کولتوری بدرێت، دەرەنجامی نائامادەیی هەر ئیرادەیەکە بۆ چارەسەرکردنی کێشەی کورد لەو بەشەی کوردستان وەک کێشەیەکی سیاسی. 

 لە ڕاستیدا، ئەمەی ڕوودەدات، لە وردەکاریشدا، زادەی ئەم فاکتانەیە: 

١) بژاردەی سەربازی و جیهادیی حکومەتی دیمەشق لە مامەڵەکردن لەگەڵ کانتۆنەکانی ڕۆژئاوا.

٢) خواستی تەقلیدیی ناسیۆنالیزمی تورکی و پاڵپشتیی سەربازی، موخابەراتی، دیبلۆماسی، میدیایی بۆ سوریا.

٣) بیری پراگماتی و بزنسمانیی تۆم باراک ی نوێنەری ئەمریکا.

٤) پاڵپشتیی مادی و میدیایی سعودیە و قەتەر بۆ دیمەشق.

٥) سەودای ئیسرائیل لەگەڵ سەرانی دیمەشق بۆ فراوانکردنی پشتێنەی ئەمنیی خۆی و هەڵلوشینی باشوری سوریا لەبەرامبەر پاڵپشتی نەکردنی کورد.

‌‌٦) گرەوی ئایدیۆلۆژییانەی کورتبینانەی هەسەدە لەسەر عەشایەری عەرەبی و پاشماوەی بەعس


PUKMEDIA