وێنه‌.. وه‌رزی دروێنه‌كردنی ماش له‌ شاره‌زوور

گەلەری 05:15 PM - 2021-10-24

له‌ گوندی قه‌ڵبه‌زه‌ی ده‌شتی شاره‌زوور وه‌رزی دروێنه‌كردنی ماش   ده‌ستیپێكرد جوتیاران ئه‌مساڵ  زیاتر له‌ساڵی پار به‌بۆنه‌ی بازاڕی باشه‌وه‌، ڕێژه‌یه‌كی زیاتر ماشیان چاندووه‌، وه‌ دڵخۆشن جوتیاران به‌به‌رهه‌می ئه‌مساڵیان.

خه‌سره‌و محه‌مه‌د جوتیاری نموونه‌یی  به‌ PUKmedia  ی راگه‌یاند: ماش له‌  مانگی 7 ده‌ست به‌چاندنی  ده‌كرێت  له‌دوای گه‌نم ده‌وه‌شنرێت، دواتر  له‌ مانگی 10 بۆ 11 پێش بارینی باران دره‌وی بۆ ده‌كرێت به‌ داس .

وتیشی:  چه‌ند جۆرێكمان هه‌یه‌ ئه‌وانیش  سه‌وزو ڕه‌ش  ده‌شتی شاره‌زوور زۆر گونجاو له‌باره‌ بۆ  هه‌ردوو شێوه‌كه‌ی.

 خه‌سره‌و ئاماژه‌ی به‌وه‌شكرد : ماش به‌شێوه‌كه‌ی گشتی هه‌ردوو شێوه‌كه‌ی   له‌ ده‌شتی شاره‌زوور ده‌چنرێت، به‌هۆی خاك  ئاو هه‌واكه‌ی و له‌باره‌ ، ئه‌مساڵ زیاتر جوتیاران ماشیان كرد به‌بۆنه‌ی ئه‌وه‌ی بازاڕی باش بوو ئه‌مساڵ  ساڵی پاریش .

 راشیگه‌یاند: ده‌بێت خاكی ماش زه‌وییه‌كه‌ی ڕه‌شه‌ گڵ بێت باشتره‌    شێدار بێت  ، زۆر باش و  به‌رهه‌می زۆر باش و جوان دینیته‌ به‌رهه‌م .


ئاماژه‌ی به‌وه‌شكرد: ماش ته‌مه‌نی كورته‌ كه‌متر ئاوی ده‌وێت ، كه‌مترین مه‌سره‌فی ده‌وێت ، ڕێژه‌یه‌كی زۆر بچنرێت  بۆ ئه‌وه‌ی ماش كه‌م ڕێژه‌نه‌ ، بۆ ئه‌وه‌ی  به‌رهه‌مێكی  باشمان ده‌ست بكه‌وێت.

ئه‌وه‌شی خسته‌ڕوو :  شێوازی چنینه‌وه‌ی ئه‌ی دورێنه‌وه‌ به‌ داس ، نابێت خۆڵی پێوه‌ بێت ، دواتر له‌خه‌رمان ڕایده‌خه‌ین ، تاووشك ده‌بێته‌وه‌، دواتر ئه‌یكوتین دواتر شه‌ن ده‌كرێت  بۆ ئه‌وه‌ی خۆڵ پاشماوه‌كی ئه‌گه‌ر پێوه‌ی بێت لێ جیا بێته‌وه‌ ،دواتر ئه‌برێته‌وه‌ ماڵه‌وه‌ .

زیاتر وتیشی : به‌رهه‌می ساڵانه‌ی ماش  له‌ده‌شتی شاره‌زوور و سه‌یدسادق زیاتر 100  ته‌ن  به‌رهه‌م ده‌هێنێت ئه‌مساڵ له‌چاو ساڵی پار، ڕێژه‌یه‌كی زیاتر ماش كرا ،له‌به‌ر ئه‌وه‌ی له‌بازاڕدا ساغ ده‌بێته‌وه‌ پاره‌یه‌كی باشی ده‌كرد بۆ جوتیاران .

ئه‌وه‌شی خسته‌ڕوو:   ماش  خواستێكی زۆری هه‌یه‌ له‌لایه‌ن  هاوڵاتیانه‌وه‌ ، چوار وه‌رزی ساڵ ده‌خورێت، به‌ڵام زیاتر له‌ كاتی زستان ده‌خورێت،   به‌رهه‌می ماش له‌ ده‌شتی شاره‌زوور به‌شی ناوخۆ ناكات . 



ماشی و  كوردی و خۆماڵی  تام و بۆنێكی خۆشی  هه‌یه‌، زۆرێك له‌هاوڵاتیان به‌كاردینین له‌ كاتی وه‌رزی سه‌رمادا.



PUKmedia محه‌مه‌د عه‌بدولره‌حمان  /شاره‌زوور

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket