لە سلێمانی یادی یەنار محەمەد دەکرێتەوە

ئەرشیف

یەنار محەمەد

رۆژی 21ی6ی2026، لە سلێمانی یادی یەنار محەمەد، چالاکوانی مافەکانی ژنان دەکرێتەوە، کە ئەمساڵ لە بەغداد تیرۆر کرا.

رێكخراوی ئازادی ژن لە عیراق و رێكخراوی بەدیلی كۆمۆنیستی لە عیراق، لە راگەیەندراوێکی هاوبەشدا، ئاماژەیان بەوە کردووە: رێوڕەسمێك بۆ بەرز راگرتنی یادی یەنار محەمەد ئایكۆنی خەباتی رزگاریخوازی ژنان و رابەری بوێر ساز دەكەین، كە سەرلەبەیانی 2ی ئاداری ئەمساڵ بەدەستی تیرۆریستان لە ماڵەكەی خۆی لە بەغدا تیرۆكرا.

بەپێی راگەیەندراوەکە: رێوڕەسمەکە رۆژی یەك شەممە 21ی6ی2026، سەعات چواری پاشنیوەڕۆ لە هۆڵی هۆتێل رەمادا ساز دەكرێت.

یەنار محەممەد فێمینیستێکی ناسراوی عیراقی لە ساڵی 1960لە بەغدا لەدایکبووە، بەشی تەلارسازی خوێندووە و لە زانکۆی بەغدا ماستەری تەواوکردووە، لە ساڵانی نەوەدەکاندا وەک چالاکوانی مافەکانی ژنان کاری کردووە و ڕێکخراوی ئازادی ژنانی دامەزراند، لە تەمەنی 65 ساڵیدا و لە 2ی3ی2026 لە بەردەم ماڵەکەی خۆیدا لە بەغدا کوژرا.

PUKMEDIA