وەزیری ناوخۆی پاکستان بۆ تەواوکردنی پرسی دانوستانەکان سەردانی تاران دەکات

میدیاکان

موحسین نەقوی وەزیری ناوخۆی پاکستان

وەزیری ناوخۆی پاکستان بەرەو تارانی پایتەختی ئێران بەڕێکەوت و لەگەڵ بەرپرسانی ئەو وڵاتە تاوتوێی پێشهاتە هەرێمی و نێودەوڵەتییەکان و پرسی دانوستانی ئاشتی نێوان ئەمریکا و ئێران دەکەن.

بەپێی هەواڵێکی ئاژانسی ئیرنا، موحسین نەقوی وەزیری ناوخۆی پاکستان لەگەڵ چەند بەرپرسێکی ئێرانی کۆدەبێتەوە، کە تیایدا باس لە پەیوەندییەکانی نێوان هەردوو وڵات دەکەن.

هەر لە کۆبوونەوەکانیدا، وەزیرە پاکستانییەکە تاوتوێی دواین پێشهاتی دانوستانەکانی نێوان ئەمریکا و ئێران دەکەن، ئەمە جگە لەوەی پرسی ئەمنی ناوچەکە بەشێک دەبێت لە تەوەری کۆبوونەوەکان.

سەردانی وەزیری ناوخۆی پاکستان، دوای ئەوە دێت کە هەردوو لایەنی ئەمریکی و ئێران گەیشتوونەتە رێککەوتنی ئاشتی، کە بڕیار بوو رۆژی هەینی 19ی6ی2026، لە سویسرا بە رەسمی ئیمزای بکەن، بەڵام بەهۆی تەواو نەبوونی رێککارەکان، بۆ کاتێکی دیکە دواخرا، هەوڵی ئاشتی هەمیشەیی لە نێوان ئەمریکا و ئێران لە 11ی4ی2026 وە بە نێوەندگیری پاکستان دەستیپێکردووە، دواین چەندین شکست لە کۆتایدا گەیشتنە رێککەوتنی کۆتایی.

PUKMEDIA