راپۆرتێكی CNN: دوانزە وڵات داوای راگرتنی جه‌نگی ئه‌مریكا و ئێران ده‌كه‌ن

CNN

تارانی پایتەختی ئێران

به‌رپرسێكی باڵای ئه‌مریكا ئاشكرای ده‌كات، نزیكه‌ی 12 وڵات په‌یوه‌ندییان به‌ ئه‌مریكاوه‌ كردوه‌ بۆ نێوه‌ندگیری و وه‌ستاندنی شه‌ڕ‌ی ئه‌مریكا و ئیسرائیل له‌دژی ئێران كه‌ جه‌نگه‌كه‌ پێی ناوه‌ته‌ شه‌شه‌مین ڕ‌ۆژی خۆیه‌وه‌، له‌به‌رامبه‌ردا ئاژانسه‌كانی ئێران ئاماژه‌ بۆ ئه‌وه‌ده‌كه‌ن، تاران هیچ په‌یامێكی بۆ ئه‌مریكا نه‌ناردوه‌، هه‌روه‌ها "وه‌ڵامی په‌یامه‌كانیش ناداته‌وه‌.

به‌رپرسێكی باڵای ئه‌مریكا به‌ سی ئێن ئێن-ی وتووه‌، "له‌و كاته‌وه‌ی شه‌ڕ‌ه‌كه‌ به‌ره‌و توندوتیژی په‌ره‌ی سه‌ندوه‌، چه‌ند وڵاتێك په‌یوه‌ندییان به‌كۆشكی سپییه‌وه‌ كردوه‌، كه‌ ژماره‌یان 12 وڵات بووه‌و داوای خۆیان ده‌ربڕ‌ی بۆ ئه‌وه‌ی بزانن ئایا ده‌توانن یارمه‌تیده‌ر بن له‌چاره‌سه‌ركردنی قه‌یرانه‌كه‌.

راپۆرته‌كانی پێشوو ئاماژه‌یان به‌وه‌ كردبوو كه‌ هه‌واڵگری ئێران ئه‌مریكای له‌ئاماده‌یی خۆی بۆ كردنه‌وه‌ی كه‌ناڵی په‌یوه‌ندییه‌كان سه‌باره‌ت به‌چۆنیه‌تی كۆتایی هێنان به‌شه‌ڕ‌ ئاگادار كردوه‌ته‌وه‌، هه‌روه‌ها په‌یامه‌كان له‌ ڕ‌ێگه‌ی وڵاتی سێهه‌مه‌وه‌ به‌ ده‌زگای هه‌واڵگری ناوه‌ندی ئه‌مریكا (سی ئای ئه‌ی) گه‌یشتون.

له‌به‌رامبه‌ردا ئاژانسی هه‌واڵی ته‌سنیمی ئێران له‌ زاری به‌رپرسێكی وڵاته‌كه‌یه‌وه‌ بڵاویكرده‌وه‌، تاران هیچ په‌یامێكی بۆ ئه‌مریكا نه‌ناردوه‌، هه‌روه‌ها "وه‌ڵامی په‌یامه‌كانی ناداته‌وه‌".

هه‌روه‌ها به‌رپرسانی ئه‌مریكا بۆ سی ئێن ئێن پشتڕ‌استیان كرده‌وه‌ كه‌ هیچ دانوستانێك له‌ ئارادا نییه‌ و هیچ گفتوگۆیه‌كی جددی سه‌باره‌ت به‌ وه‌ستاندنی ئۆپه‌راسیۆنه‌ سه‌ربازییه‌كان نییه‌.

PUKMEDIA