مەزڵوم عەبدی:پاراستنی ناوچە کوردییەکان هێڵی سورە

PUKMEDIA

مەزڵوم عەبدی، فەرماندەی گشتیی هەسەدە

مەزڵوم عەبدی، فەرماندەی گشتیی هەسەدە  رایدەگەیەنێت دیمەشق سەرجەم پێشنیارەکانی ئاگربەستی رەتکردووەتەوە و هێرشی چڕ بۆ سەر حەسەکە و کۆبانێ بەردەوامییان هەیە و دەشڵێت پاراستنی ئەو ناوچە کوردییەکان هێڵی سورە.

مەزڵوم عەبدی لە لێدوانێکیدا بە ئاژانسی هاواری راگەیاند: ستایشی خۆڕاگریی هاووڵاتییان و شەڕڤانان دەکەین بەرامبەر ئەو هێرشە ناڕەوایانەی کە مەبەست لێیان کوشتاری کوردانە.

لە بارەی هێرشەکانیش بۆ سەر زیندان و کەمپی هۆڵ، مەزڵوم عەبدی رایگەیاندووە: هێرشەکان بۆ سەر زیندانەکان و کەمپی هۆڵ گەیشتوونەتە ئاستێکی یەکجار مەترسیدار، لە دوێنێ شەوەوە هەوڵێکی توند لە ئارادایە بۆ ئەوەی کەمپی هۆڵ بە زەبری چەک کۆنترۆڵ بکرێت، هەروەها بەهۆی بەکارهێنانی تانک و زرێپۆش لە هێرشەکاندا، پاسەوانانی کەمپی هۆڵ ناچار بوون پاشەکشە بکەن.

فەرماندەی گشتیی هەسەدە  دواین زانیاری لەسەر ناوچە کوردییەکان رایگەیاند: بۆردومان و هێرشە چڕەکانی حکومەتی دیمەشق بۆ سەر حەسەکە و کۆبانێ بەردەوامییان هەیە و حکومەت  سەرجەم پێشنیارەکانی ئاگربەستی رەتکردووەتەوە کە لە ماوەی دوو هەفتەی رابردوودا پێشکەش کرابوون.

مەزڵوم عەبدی دووپاتیشی کردەوە: هێزەکانمان لە ناوچە کوردنشینەکان جێگیر بوون؛ پاراستنی ئەم ناوچانە هێڵی سوورە و بە هەموو هێزێکمان بەرگرییان لێ دەکەین.

PUKMEDIA