د. مەجید: یەکێتی هەمیشە لەخزمەتی هاووڵاتیانی قەزای خەبات_دایە

PUKMEDIA

وەفدی سەرکردایەتی یەکێتی لە قەزای خەبات

پێشنیوەڕۆی ئەمڕۆ پێنج شەممە 11-12-2025 وەفدێکی سەرکردایەتی یەکێتیی نیشتمانیی کوردستان کە پێکهاتبوو لە ( د. مەجید حەمەئەمین و رێباز بێرکۆتی و رابیحە حەمەد و لوقمان وەردی) ئەندامانی سەرکردایەتی یەکێتی، سەردانی قەزای خەبات یان کرد.

سەرەتا سەردانی 14ی رێکخستنی خەباتیان کرد و لەلایەن هەڤاڵان و ئەنجومەنی کۆمیتەوە پێشوازیان لێکرا.

لەسەردانەکەدا وێڕای بەخێرهێنان، د، مەجید حەمەئەمین ئەندامی سەرکردایەتی و لێپرسراوی مەڵبەندی 3ی هەولێر، لەوتەیەکدا دەستخۆشی و پشوودرێژی و پشتیوانی لەهەڤاڵانی کۆمیتەی خەبات کردو رایگەیاند: ی.ن.ک هەمیشە لەخزمەتی هاووڵاتیانی سنورەکەدایە و بەردەوامیش دەبێت.

لەبەرامبەریشدا هەڤاڵانی کۆمیتەی خەبات و دانیشتوانەکەی سوپاسی پشتیوانی و بەدەنگەوە هاتنی یەکێتییان کرد و دووپاتیان کردەوە کە هەمیشە بەگڕوتینەوە بەردەوام دەبن لەکاروانی خەباتی رێبازی شەهیدانی ی.ن.ک.

PUKMEDIA