چاکسازی و رێکخستنەوەی هێزی پێشمەرگە باسی لێوەدەکرێت

PUKMEDIA

شێخ جەعفەر و کونسوڵی بەریتانیا

ئەمڕۆ دووشەممە ٢٠٢٥/١٢/٨ شێخ جەعفەر شێخ مستەفا، جێگری سەرۆکی هەرێمی کوردستان پێشوازیی لە ئەندرۆ بیزڵی، کونسوڵی گشتیی بەریتانیا لە هەرێمی کوردستان و شاندێکی یاوەری کرد.

لە کۆبوونەوەکەدا، باس لە دوایین بارودۆخی گشتیی هەرێمی کوردستان و ئاسایشی عیراق کرا، هەروەها پرسی پێکهێنانی کابینەی نوێی حکومەتی هەرێمی کوردستان و حکومەتی عیراقی فیدراڵ، گفتووگۆیان لەبارەوە کرا.

هەردوولا جەختیان لە گرنگیی بەردەوامیی پەیوەندییەکانی نێوان بەریتانیا و هەرێمی کوردستان کردەوە، دواتر باسیان لە هێرشە تیرۆریستییەکەی ئەم دواییەی سه‌ر كێڵگه‌ى غازى كۆرمۆر کرد و بە کارێکی تێکدەرانە و مەترسیداریان بۆ سەر ژێرخانی ئابووریی هەرێمی کوردستان و عیراق لە قەڵەمدا.

پەیوەندییەکانی هەولێر ـ بەغداد و کێشە بەردەوامەکانی نێوانیان لەگەڵ پرۆسەی چاکسازیی و رێکخستنەوەی پێشمەرگە، تەوەرێکی دیکەی گفتوگۆکانی کۆبوونەوەکە بوو.

PUKMEDIA