یەکێک لە تیرۆرستەکانی رووداوەکەی بازاڕی لەنگەی کەرکوک دەستگیرکرا

PUKMEDIA

پۆلیسی کەرکوک

لەلایەن پۆلیسی کەرکوکەوە تۆمەتباری کوشتنی پۆلیسەکەی بازاڕی لەنگەی کەرکوک دەستگیرکرا، کە تیرۆرستە و بە ڕەچەڵەک عەرەبە.

لەو بارەیەوە لیوا کاوە غەریب فەرماندەی پۆلیسی کەرکوک دەستگیرکردنی ئەو تیرۆرستەی پشتڕاستکردەوەو رایگەیاندوە: "یه‌كێك له‌و تیرۆریستانه‌ی كه‌ ڕۆژی پێنجشه‌ممه‌ له‌نێو بازاڕی له‌نگه‌ی كه‌ركوك پۆلیسێكیان شه‌هیدكرد و پۆلیسێك و هاوڵاتییه‌كی مه‌ده‌نیان برینداركرد ، له‌ سنوری ناحیه‌ی له‌یلان ده‌ستگیركراوه‌ و له‌ ئێستادا لێكۆڵینه‌وه‌كان له‌گه‌ڵیدا به‌رده‌وامن".

ڕۆژی پێنجشه‌ممه‌ی رابردوو له‌نێو بازاڕی له‌نگه‌ی شاری كه‌ركوك دوو تیرۆریستی ده‌مامكدار ته‌قه‌یان له‌ دوو پۆلیس و هاوڵاتییه‌كی مه‌ده‌نی كرد به‌هۆیه‌وه‌ یه‌كێك له‌ پۆلیسه‌كان شه‌هیدبوو و دوانه‌كه‌ی دیكه‌ش برینداربوون.

هاوکات رێکخراوی تیرۆرستی داعش بەرپرسیارێتی خۆی لەو رووداوە راگەیاند و ئاماژەیان بەوە کردووە کەئەو کردەوە تیرۆرستییەیان لە ناو بازاڕی کەرکوک ئەنجامداوە.

PUKMEDIA