نرخی خۆتۆمارکردنی پسوڵەی ئەلیکترۆنیی خۆراک گۆڕانکاری بەسەردا دێت

PUKMEDIA

سوڵەی ئەلیکترۆنیی خۆراک

ئەپڵیکەیشنی پسوڵەی ئەلیکترۆنیی خۆراک کاراکرایەوە و بەڕێوەبەری رێکخستنی پسوڵەی خۆراک لە سلێمانی رایدەگەیەنێت نرخەکەی کەمکراوەتەوە.

ئاراس محەمەد بەڕێوەبەری رێکخستنی پسوڵەی خۆراک لە سلێمانی، رایگەیاند: ئەپڵیکەیشنی پسوڵەی ئەلیکترۆنیی خۆراک جارێکی دیکە کاراکراوەتەوە و ئەو کەسانەی لە دەرەوەی وڵات بوون، یان بە هەر هۆکارێکی دیکە خۆیان لە سیستمەکەدا تۆمار نەکردبوو، ئێستا  دەتوانن خۆیان تۆمار بکەن.

 لە بارەی ئەوەی کە خۆتۆمارکردن بەبێبەرامبەر دەبێت، ئاراس محەمەد رایگەیاند:  قۆناغی خۆتۆمارکردن بەبێ بێبەرامبەر کۆتاییهاتووە و ئێستا هەرکەسێک کە خۆی تۆماردەکات، دەبێت شەش هەزار دینار لە رێگەی ڤیزا کارتەوە بدات کە پێشتر دەبوو بڕی 11هەزار دینار بدرێت.

PUKMEDIA