رێككەوتنی نەوتی نێوان هەولێر و بەغداد نوێدەكرێتەوە

میدیاکان

کێڵگەیەکی نەوت

رێککەوتنی نێوان هەولێر و بەغداد بەبێ کێشەیە و جێگری بەڕێوەبەری کۆمپانیای سۆمۆش رایدەگەیەنێت: رێککەوتنەکە كۆتایی ئەمساڵ كۆتایی دێت و نوێدەکرێتەوە.

حەمدی شەنگالی جێگری بەڕێوەبەری کۆمپانیای بە بازاڕکردنی نەوتی عیراق ناسراو بە سۆمۆ رایگەیاند: رێككەوتنی نەوتی نێوان هەولێرو بەغداد نوێدەكرێتەوەو تائێستا هیچ كێشەیەكمان نەبووەو هەروەك خۆیەتی و نەوتەكە دەڕوات.
 لە بارەی رێککەوتنی نەوتییشەوە کە پێشتر ئیمزا کراوە، جێگری کۆمپانیای سۆمۆ رایگەیاند: رێككەوتنی نەوتی نێوان هەرێم و بەغداد لەچوارچێوەی یاسای بودجەی گشتی عێراقدا كراوەو یاساكە كۆتایی ئەمساڵ كۆتایی دێت.

لە کۆتایشدا، حەمدی شەنگالی جێگری بەڕێوەبەری کۆمپانیای سۆمۆ لەبارەی بری هەناردەی نەوتی هەرێمی کوردستانەوە، رایگەیاند: هەناردەی نەوتی كوردستان رۆژانە 200 هەزار بەرمیلی تێپەڕاندووەو، پشتیوان بەخوا هەر بەرەو زیادبوون دەڕوات.

PUKMEDIA