Rûsya: Agirbest bi dawî bû û şer berdewam dike

Ajans

Mûşekê Rûsî

Wezareta Parastinê ya Rûsyayê bidawîbûna agirbestê ragihand û çendîn xalên stratejîk li Ukraynayê kirin armanc.

Li gorî malpera Sputnîk a Rûsyayê, Wezareta Parastinê ya Rûsyayê ragihand: Demjimêra agirbestê bi dawî bûye û hêzên me dest bi encamdana êrişên leşkerî yên li ser armancên diyarkirî yên di nava xaka Ukraynayê de kirine.
Wezareta Parastinê ya Rûsyayê amaje bi wê yekê jî kir: Bi biryara Fermandeyê Bilind ê Hêzên Çekdar û bi helkefta 81emîn salvegera Serkeftinê, hemû hêzên me ji roja 8ê Gulanê heta 11ê Gulanê pabendî agirbestê bûn, di şûn û çeperên xwe de man û tu êrişek encam nedan.

Wezaretê di beşeke din a daxuyaniya xwe de destpêkirina şer ragihand û dibêje: "Ligel bidawîbûna dema agirbestê, artêşa Rûsyayê dest bi operasyonên xwe kirine û êrişên berfireh birine ser çendîn armancên stratejîk ên di binesaziya enerjî û kerta veguhastina Ukraynayê de.
Ev di demekê de ye ku Rûsyayê di roja 24/2/2022an de êrişî ser Ukraynayê kir. Tevî çendîn hewlên agirbestê û bidawîbûna wan, lê heta niha şer berdewam e. Rûsyayê zêdetirî %21ê xaka Ukraynayê kontrol kiriye û Ukrayna jî bi mercê wergirtina wan navçeyan amade ye şer bide rawestandin, Lewma heta niha di warê rawestandina şerê navbera her du welatan de tu pêşveçûneke berçav nehatiye dîtin.

PUKMEDIA