Nûnerê Sûriyê li NY: Divê welatên biyanî welatiyên xwe ji Kampên Hol û Roj vegerînin

Medya

Îbrahîm Olabiyê Nûnerê Herdemî yê Sûriyê li Neteweyên Yekbûyî

Îbrahîm Olabiyê Nûnerê Herdemî yê Sûriyê li Neteweyên Yekbûyî di civîna "Zarok û Şerê Çekdarî" ya Konseya Ewlekariyê ya Neteweyên Yekbûyî de, kampên Hol û Roj wekî "kampên dojehê" bi nav kir û got: Divê welatên cîhanê welatiyên xwe ji Kampa Hol û Roj vegerînin.

Olabi got:Bi hezaran jin û zarok ji dehên welatên cuda nêzîkî heft salan e ku di kampan de di mercên mirovî yên dijwar de dijîn, bêyî ku bigihîjin xizmetên bingehîn yên wekî tenduristî û perwerdehiyê.

Her weha nûnerê Sûriyê bang li hikûmetên peywendîdar kir ku bi lez û bez hevkariyê bikin daku welatiyên xwe vegerînin welatê xwe û çareseriyek mayînde ji bo vê pirsgirêkê bibînin.
Hevdem bi daxwaza Sûriyê re, hikûmeta Awustralya pêvajoya vegerandina jina dawî ya Awustralyayî û keça wê ya 9 salî ji Kampa Roj dadestpêkirin.

Jina ku vegera wê berê ji ber biryara dadgehê ya demkî hatibû paşxistin, piştî serlêdana parêzerên wê destûr hat dayîn ku bikeve Awustralyayê.

Wezîrê Karên Navxweyî yê Avusturalya Tony Burke ragihand ku jin dê piştî vegera xwe ya welêt di bin rêkarên ewlehiyê yên tund de li gorî yasayên dijî terorê be.

PUKMEDIA