Sê gundên li Kurdistanê...Îraq pênc gundan ji bo baştirîn gundên geştiyariyê yên cîhanê berbijêr dike

PUKMEDIA

Herêma Biyare li parêzgeha Helebçe

Desteya Geştiyariyê ya Îraqê pênc gundan ji bo baştirîn gundên geştiyariyê yên cîhanê berbijêr kiriye ,sê ji van gundan li Herêma Kurdistanê ne,armanca projeyê ew e ku geştiyariyê li Îraqê bi awayekî domdar pêş bixe.

Elî Yasîn Ebdul Reza, berdevkê Desteya Giştî ya Geştiyariyê ya Îraqê, ragihand ku,pêvajoya namzedkirina pênc gundan di bin destpêşxeriya Gundên Geştiyariyê yên Herî Baş yên 2026an a Rêxistina Geştiyariyê ya Cîhanê ya Neteweyên Yekbûyî de qediya.

Derbarê ew gundên ku hatine berbijêrkirin de,ragihand ku: Biyare li parêzgeha Helebçe, Rewandz li Hewlêrê, Hirur li Duhokê, Mêrkî li Neynewa, Ebû Subat li Zîqarê, ew pênc herêmên ku berbijêr in.

Berdevkê Desteya Giştî ya Geştiyariyê ya Îraqê wiha rave ki :namzedkirin beşek ji destpêşxeriya Rêxistina Geştiyariyê ya Neteweyên Yekbûyî ye ji bo destnîşankirina 100 gundên geştiyariyê yên herî baş yên cîhanê, ji bo vê armancê, komîteyê tîmek teknîkî di asta herî bilind ya pisporiyê de ava kiriye û serdana gundên Îraqê kiriye,piştî gotûbêjkirina pîvanan, ji bo pênc gundan dosyayek berfireh hatiye amadekirin.

Di dawiyê de jî; Elî Yasîn Ebdul Reza, berdevkê Desteya Giştî ya Geştiyariyê ya Îraqê, tekez kir ku,armanca vê pêngavê ew e ku geştiyarî li Îraqê bi awayekî domdar pêş bikeve.

PUKMEDIA