Piştî aloziyan Amerîka û Îran gefên nû dixwin

Medya

Êrîşên nû yên Amerîka û Îranê

Artêşa Amerîkayê di bersiva êrîşa li ser keştiyeke bazirganî li Tengava Hurmizê de çend cihek li Îranê kirin armanc, Îran jî gefan dixwe ku wê bi tundî bersîva êrîşan bidin.

Fermandariya Navendî ya Amerîkayê (CENTCOM) di daxuyaniyekê de ragihand ku hêzên wan di bersiva êrîşa roja Pêncşemê ya li ser keştiyeke bazirganî li Tengava Hurmizê de êrîşî Îranê kirine.

CENTCOMê got ku balafirên şer ên wan li peravên Îranê embarên mûşek, dron û radarê hedef girtine.

Di heman demê de ajansa Îrna li ser zimanê Supaya Pasdaran belav kiriye ku, hêzên deryayî yên Îranê di bersiva êrîşên Amerîkayê yên li ser avên Îranê de çend pêgehên Amerîkayê li herêmê hedef girtine,

Di daxuyaniyekê de, Supaya Pasdaran hişyarî da ku Îran dê bersivek tundtir bide ger Amerîka êrîşên nû bike.

Hêza Deryayî ya Supaya Pasdaran îro danê sibehê ragihandiye; Li gorî xala 5emîn a peymana Îslamabadê, Îran berpirsiyarê rêvebirina Tengava Hurmizê ye.

Ji aliyekî din ve Amerîka gefên nû li Îranê dixwe û Cîgirê Serokê Amerîkayê JD Vance hişyarî da Îranê ku dê bi tundiyê bersivê bidin tundûtûjiyê û eger pirsgirêkek li ser peymanê hebe dikarin peywendiyê bi me re bikin.

PUKMEDIA