Fransa alîkariya hêlên asmanî yên ziyandîtî dike

Ajans

Firokexane

Wezîrê Veguhastina Fransayê radigihîne: Hikûmeta Fransayê alîkariya darayî ya wan hêlên asmanî dike ku ji ber krîzên niha ziyan dîtine, hevdem daxwaza betalkirina sêqatkirina baca bilêtên geştkirdinê tê kirin.

Philippe Tabarot, Wezîrê Veguhastina Fransayê, di daxuyaniyekê de ragihand: Ji ber krîza nirxê sotemeniyê ku gihîştiye asteke pêwaneyî, hêlên asmanî rastî şokeke giran hatine, lewma hikûmeta me dê alîkariya darayî bide wan hêlên ku ziyan dîtine.
Ji aliyê din ve, Thomas Juin, Serokê Yekîtiya Balafirgehên Fransa û Frankofonê, nîgeraniya xwe anî ziman ku sektora veguhastina asmanî rastî encamên krîza enerjiyê tê, herwiha daxwaza betalkirina biryara sêqatkirina baca bilêtên balafirê kir.
Di civînekê de ku roja çarşemê ligel hikûmeta Fransayê birêve çû, aliyên peywendîdar di sektora balafirvaniyê de daxwaza "betalkirina sêqatkirina zêdekirina baca bilêtên geştê" kirin, lê hikûmetê di wê baweriyêp de ye ku niha ne demek guncaw e ji bo vê daxwazê.

Ev di demekê de ye, piştî êrîşa Amerîka û Îsraîlê ya ser Îranê û piştre bersiva Îranê ya ji bo êrîşkirina ser welatên Kendavê û herêmê, herwiha girtina Tengava Hurmizê, nirxê sotemeniyê li seranserê cîhanê bi awayekî berçav bilind bû. Ev yek bû sedema betalkirina bi hezaran geştên asmanî û pûcbûna hejmarek ji hêlên balafirvaniyê.



PUKMEDIA