Ji ber êrîşa Îsraîl bo ser Lubnanê zêdetirî 50 kes bûne qurbanî

Reuters

Hêrîşa Îsraîl bo ser Başûrê Lubnanê

Di bombebaranên Îsraîlê bo ser Başûrê Lubnanê de çar kes hatin kuştin û 51 kes jî birîndar bûn, her du alî jî hevdu bi binpêkirina agirbestê tawanbar dikin.

Wezareta TenduristiyaLubnanê ragihand ku di êrîşên esmanî yên Îsraîlê yên bo ser Başûrê Lubnanê de çar kes, di nav wan de jinek, hatine kuştin û 51 kesên din, di nav wan de sê zarok, birîndar bûne,ji dema ku agirbest di 17ê Nîsanê de hatiye ragihandin, herî kêm 40 kes li Lubnanê hatine kuştin.

Li hemberî wê yekê jî  Artêşa Îsraîlê ragihand ku wan binesaziya Hizbulahê li rojhilat û başûrê Lubnanê kirine armanc,di rojên dawî de, wan zêdetirî 50 pêgehên Hizbulahê li Başûrê Lubnanê, di nav de baregeheke bin erdê ya ku ji bo êrîşan tê bikar anîn, wêran kirine.

Her çende di navbera her du aliyan de agirbest hatibe ragihandin jî, Hizbulah û Îsraîl hevdu bi binpêkirina agirbestê tawanbar dikin.

PUKMEDIA