Li Nînewa sê gorên komî hatin kolandin

Kurdsatsat News

Kolandina gorên komî

Li Nînewa sê gorên komî yên qurbaniyên destên terorîstên DAIŞê hatin kolandin, ku têde rûfatên bi dehan kesan, di nav de rufatên hejmarek Pêşmergeyan jî hene, parêzgarê Nînewa dibêje ku dîroka van guhertinan vedigere bûyerên sala 2015 an.

Komîteya Gorên Komî ragihand ku wan dest bi proseya kolandina çend gorên komî li qeraxa rast yê Mûsilê kiriye ku têde rufatên qurbaniyên DAIŞê hene.

Ehmed Esedî, endamê komîteyê, ragihand ku rufatên hejmarek sivîl, Pêşmerge û xelkê Mûsilê di goran de hatine dîtin.

Her weha dibêje:Ewê li ser lêkolîna çend cihên din yên ku guman tê kirin gorên komî yên din hene, berdewam bikin.

Ji aliyekî din ve, Zeyd Ebas, Rêveberê Ofîsa Pizîşkê Dadwerî ya li Mûsilê got: Sê gorên komî hatine kolandin ku bi dehan rufat têde ne.

Her weha got: Term dê ji bo pişknîna DNAyê ji bo naskirina nasnameya wan û radestkirina wan bo xizmên wan werin şandin.

Parêzgarê Nînewa Ebdulqadir Dexîl, ku çavdêriya pêvajoyê dikir, aşkere kir ku,dîroka van goran vedigere bûyerên sala 2015an û rufatên jin, zarok, welatiyên pêkhateya Êzdî û Pêşmergeyan di goran de ne.

PUKMEDIA