Serokkomarê Rola berbiçav a Serok Mam Celal di xurtkirina lihevhatina neteweyî de bi bîr tîne

PUKMEDIA

serokkomar

Serokkomat Nîzar Amêdî roja Pêncşemê 16ê Nîsana 2026an li Qesra Bexdayê pêşwaziya şandeyek ji saziya Serok Celal Talebanî bi serokatiya Balyoz Mihemed Sabir Serokê saziyê kir, Şandeyê pîrozbahî li Serokatiya Wî kir û di erkên wî de serkeftin xwest.

Di hevdîtinê de, wan li ser çalakiyên saziyê, bernameyên pêşerojê û rêbazên hevkariyê di xizmetkirina civakê û xurtkirina nirxên yekîtî û biratiyê di navbera gelê Îraqê de gotûbêjkirin.

Ji aliyê xwe ve, Serokkomar spasiya xwe ji bo serdanê anî ziman, mîrateya siyasî û şoreşgerî ya Serokê nemir Mam Celal Talebanî û rola wî ya berbiçav di danîna bingehên pêvajoya demokratîk û xurtkirina lihevhatina neteweyî de bi bîr xist. Wî her wiha girîngiya rola ku saziyê  di çalakî û bernameyên wê yên cûrbecûr de û piştgiriya wê ji bo destpêşxeriya pêşvebirina jiyana aştiyane de lîstiye, tekez kir.

Endamên şandeyê piştgiriya xwe ji bo hewldanên Serokkomar ji bo vejandina çalakiya neteweyî ya hevbeş û pêşxistina diyalog û têgihîştinê di navbera hêzên siyasî yên cihêreng de tekez kirin.


PUKMEDIA