Serokkomar: Rêbaza Mam me ber bi rêyeke baş ve dibe

PUKMEDIA

Nîzar Amêrî serokkomarê Îraqê

Serokkomarê Îraqê li ser mezara Mam Celal got: Heke em li ser wê rêbaza ku Serok Mam Celal ji bo me daniye bimeşin, emê ber bi encameke baş ve gavan bavêjin. Derbarê rewşa Îraqê de jî got: Divê em hewl bidin Îraqê ji vê şerê ku heye û ne şerê me ye, biparêzin.

Nîzar Amêdî, Serokkomarê Îraqê, piştî ku ji Balafirgeha Navneteweyî ya Celal Talebanî gihîşt Silêmaniyê, serdana mezara Serok Mam Celal kir û ragihand: Min hemû jiyana xwe bi Serok Mam Celal re derbas kiriye. Mam Celal serkirdeyekî mezin ê Îraqê bû, ez wî wek mamoste û serkirdeyê xwe dibînim. Ew rêbaza ku Mam Celal li Îraqê ava kiribû, rêbazeke nayê jibîrkirin e û li Kurdistan, Îraq û cîhanê jî deng vedaye.

Her wiha got: Mam Celal rêyek ji bo me daniye ku heke em li ser bimeşin, em ê ber bi qonaxeke baş ve gavan bavêjin. Ew serkirde her dem zindî ye û bi me re ye.
Ji aliyê din ve ragihand: Tevî ku Îraq di rewşeke xirab de derbas dibe, lê kariye Desteya Serokatiya Encumena Nûneran û Serokkomar hilbijêre ku du gavên girîng in. Divê di çend rojên bê de namzedê fraksiyona herî mezin a parlamenê ku Çarçoveya Hevahengiyê ye were hilbijartin û Serokkomar wî ji bo pêkanîna hikûmetê raber bike, da ku ev hikûmet bibe xwedî desthilata tam. Divê em hewl bidin Îraqê ji vê şerê ku heye û ne şerê me ye, biparêzin.

PUKMEDIA