Dadgeha Kerex sizayê bi darvekirinê sepand ser terorîstekî ku jinên Êzîdî revandiye

Ajans

Avahiya Serokatiyê ya Dadgeha Federal ya Pêdaçûnê ya Bexda/Kerex

Dadgeha Tawanan ya Kerxê îro roja Yekşem rêkefta (05-04-2026) an li dijî terorîstekî ku beşdarî hedefgirtina hêzên ewlehiyê û revandina jinên Êzîdî bûye, sizayê bi darvekirinê sepand ser wî.

Civata Dadweriya Bilind di daxuyaniyekê de ku ji hêla PUKMEDIA ve hatî wergirtin diyar kir ku Dadgeha Tawanan ya Kerxê li dijî tawanbarekî endamê rêxistina terorîst a DAIŞê ji ber tawana beşdarbûna di operasyonên terorîstî yên li dijî hêzên ewlehiyê û sivîlan de sizayê darvekirinê sepand ser wî.

Di daxuyaniyê de hatiye: Terorîst, digel koma xwe, di sala 2014an de li navçeya Şingalê tawanên metirsîdar kiribûn, di nav de revandina jinên Êzîdî û kuştina mêran, bi armanca têkbirina ewlehî û aramiya welêt û belavkirina terorê di nav welatiyan de ji bo bidestxistina armancên terorîst.

Her weha aşkere kir ku siza li ser bingeha bendên madeya 4/1, digel bendên 2/1, 3 û 8 yên Yasaya Dijî Terorê ya Hejmar 13 a 2005an, û li gorî bendên madeya 7/Yekem ya Yasaya Rizgarbûyên Êzîdî ya Hejmar 8 ya 2021an li dijî wî hat dayîn.

PUKMEDIA