YNK pabendbûna xwe bo misogerkirina mafên Kurdên Feylî nuh dike

PUKMEDIA

Yekîtiya Niştimanî ya Kurdistanê

Mekteba Siyasî Yekîtiya Niştimanî ya Kurdistanê (YNK) pabendbûna xwe ya bêdawî ji bo misogerkirina mafên Kurdên Feylî piştrast kir.

Mekteba siyasî di daxuyaniya xwe de got: Îro em salvegera trajîk a gelê xwe bi bîr tînin, sûcekî dîrokî ku bi qonax li dijî beşek yekgirtî ya gelê me (xwişk û birayên Feylî) hatiye kirin, ku di 04/04/1980 an de, bi sirgûnkirin, bêparkirina ji hemwelatîbûnê û derxistina ji derveyî sînoran gihîştiye lûtkeya xwe.

Di daxuyaniyê de hat gotin ku Kurdên Feylî di hemû şoreş û têkoşîna neteweyî ya Kurdan de, û her wiha di hemû mijarên demokratîk yên li Îraqê de roleke berbiçav û çalak lîstine û her tim mînaka wefadarî û mêrxasiyê bûne, ji ber ku ew ji axa xwe hatine koçberkirin û ji hemû mafên welatîbûnê, her wiha ji pêgeha xwe yê siyasî û civakî, pere û milkê xwe hatine bêparkirin.

Di daxuyaniyê de hatye ku ev pêkhateya resen ya gelê me, ku bi dehan rêber û bi sedan şervan dane tevgera Kurd û demokratîk, di serdema rejîma Baas a hilweşiyayî de rastî înkarkirina mafên xwe û sirgûnkirinê hatiye, bêyî ku behsa wê yekê were kirin ku beşek mezin ji wan rastî qirkirinê hatiye.

Wî wiha domand: Her çend piştî hilweşîna rejîma Beisê, Dadgeha Bilind ya sizaya doza Feylî wekî jenosîd nas kiribe jî, hîna jî gavên pratîkî yên din hene ku divê hikûmeta Îraqê bavêje da ku bandorên vê tawanê ji holê rake, wek vegerandina welatîbûna wan û tazmînkirina wan a madî û exlaqî.

Di daxuyaniyê de hatiye piştrastkirin ku "Yekîtîya Niştimanî ya Kurdistanê pabendbûna xwe ya ji bo bidestxistina van hemû mafan nû dike û ji hêla siyasî ve hewl dide ku dadweriya veguhêz, mafên destûrî û mafên welatîbûnê li Îraqa federal xwişk û birayên Feylî jî di nav xwe de bigire û vê neheqiya dîrokî ji ser wan rake.

Di dawiyê de got: Silav ji bo giyanên paqij yên qurbaniyên jenosîda Feylî û şehîdên Feylî di nav refên tevgera rizgariya Kurd û tevgera demokratîk a welêt de.

PUKMEDIA