Wezareta Parastinê: Drone li nêzîkî Kerkûkê hate xistin, heta niha ti qurbanî tinene

PUKMEDIA

logoyê wezareta parastinê

Wezareta Parastinê ya Îraqê ragihand ku hêzên wan li nêzîkî Kerkûkê bê ku ti qurbanî hebin, dronek xistin xwarê.

Daxuyaniyek ji Wezareta Parastinê, ku ji hêla PUKMEDIA ve hatî wergirtin wiha dibêje: Di demjimêr 10:45ê sibê roja Pêncşemê 26ê Adara 2026an dronek nenas hate dîtin ku li hafa Lîwaya 44emîn, Firqeya 11emîn a Piyade, Fermandariya Operasyonên Kerkûkê de li bilindahiyek nizm difiriya.

Daxuyaniyê zêde kir: Hêzên me tavilê tevgeriyan û dron xistin xwarê, bêyî ku ti qurbanî hebin.
Her wiha destnîşan kir ku "piştî vê yekê, hêzek di bin fermandariya fermandarê focê de, digel tîmek endezyariya meydanî ji firqeya navborî, ber bi cihê qezayê ve çûn da ku tedbîrên teknîkî yên pêwîst bigirin û rewşê bi rêkûpêk çareser bikin.
Daxuyanî tekez kir ku "hêzên me asta xwe ya bilind a amadebaşiyê û hişyariya xwe ya domdar di rûbirûbûna her gefê de ku ewlehiya deverên berpirsiyariya wan hedef digire diparêzin, û tekez kir ku "hewildanên weha dê bandorê li ser pêkanîna erkê wan nekin û dê bi tundî û biryardar werin bersivandin.

PUKMEDIA