Serok Bafil: Kurdistan qet nebûye beşek ji vî şerî

Nivîsingeha Ragihandina Serok Bafil

Bafil Celal Talebanî, Serokê Yekîtiya Niştimanî ya Kurdistanê

Bafil Celal Talebanî, serokê Yekîtiya Niştimanî ya Kurdistanê (YNK), peyamek li dijî armancgirtina hêzên Pêşmerge yên Kurdistanê belav kir ragihand ku em dubare dikin ku Herêma Kurdistanê qet nebûye beşek ji vî şerî, lê me hewlên dîplomatîk dane daku em bibin beşek ji dîtina çareseriyek aştiyane bi riya diyalogê da ku aramiya herêmê vegerînin.

Naveroka peyamê:

Em bi tundî nerazîbûna xwe nîşan didin bi şehîdbûn û birîndarbûna hejmarek Pêşmergeyên qehreman û em sersaxiyê ji malbatên şehîdan re dixwazin û ji birîndaran re jî şîfaya bilez dixwazin.

Armancgirtina hêzên Pêşmergeyên Kurdistanê binpêkirina serweriya Îraq û Herêma Kurdistanê ye û em vê yekê şermezar dikin û em daxwaz ji hikûmeta Îraqê û civaka navneteweyî dikin ku hemû hewlên xwe bidin daku êrîşeke bi vî rengî dubare nebe.

Em dubare dikin ku Herêma Kurdistanê qet nebûye beşek ji vî şer, lê me hewlên dîplomatîk dane daku em bibin beşek ji dîtina çareseriyek aştiyane bi riya diyalogê daku aramiya herêmê vegerînin.

Bafil Celal Talebanî

Serokê Yekîtiya Niştimanî ya Kurdistanê

PUKMEDIA