بكوژی ژنه‌ كوژراوه‌كه‌ی پاركی دایك ئاشكرا كرا

دادگا بڕیاریدا باوكی ده‌ستگیر بكرێت

وته‌بێژی پۆلیسی سلێمانی رایده‌گه‌یه‌نێت، به‌ وته‌ی شایه‌تحاڵه‌كان ئه‌و كه‌سه‌ی دوێنی ته‌قه‌ی له‌ژنه‌كه‌ كرد و كوشتی باوكی بوه‌وه‌.

سه‌ركه‌وت ئه‌حمه‌د وته‌بێژی پۆلیسی سلێمانی له‌لێدوانێكی تایبه‌ت دا به‌ PUKmedia ی رایگه‌یاند: به‌ وته‌ی شایه‌تحاڵه‌كان له‌ شوێنی رووداوه‌كه‌ ئه‌و كه‌سه‌ی دوێنێ له‌ پاركی دایك له‌ شاری سلێمانی ته‌قه‌ی له‌ ژنه‌كه‌ كرد و كوشتی باوكی بووه‌.

وتیشی: له‌ ئێستادا له‌لایه‌ن دادوه‌ره‌وه‌ بڕیاری ده‌ستگیركردن بۆ باوكی ژنه‌كه‌ ده‌رچووه‌ و پۆلیس سه‌رقاڵی ده‌ستگیركردنێتی.

ئه‌وه‌شی خسته‌ڕوو: ئه‌و خانه‌واده‌يه‌ دانیشتووی یه‌كێك له‌ گه‌ڕه‌كه‌كانی شاری سلێمانییه‌.

 PUKmedia جه‌واد حه‌یده‌ری