قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت

نوسینگەی رۆژنامەوانی قوباد تاڵەبانی

قوباد تاڵەبانی جێگری سەرۆکی ئەنجومەنی وەزیران

سەعات 6:50 دەقیقەی ئێوارەی ئەمڕۆ هەینی ٢٦-٤-٢٠٢٤، لە رێگەی 2 درۆنەوە هێرشکرایە سەر کێڵگەی غازی کۆرمۆر و بەوهۆیەوە سێ کەس کە بەڕەگەز یەمەنین گیانیان لەدەستدا و چوار کەسی دیکەش برینداربوون، تا ئێشتاش سەرچاوەی هەڵدانی درۆنەکان دیارنین و لێکۆڵینەوە لەڕووداوەکە دەستیپێکردووە، هاوکات لەوبارەوە قوباد تاڵەبانی جێگری سەرۆکی ئەنجومەنی وەزیران لە بەیاننامەیەکدا بەتوندی هێرشەکە ئیدانە دەکات و داوا دەکات دەستبەجێ لێکۆڵینەوەی ورد لەڕووداوەکە بکرێت.

دەقی بەیاننامەکە:

بە توندی ئەو هێرشە درۆنییەی کرایە سەر کێڵگەی گازی کۆرمۆر ئیدانە دەکەم و خەمبار بووم بەگیانلەدەستدان و برینداربوونی چەند کارمەندێک لەئاکامی هێرشەکەدا. 

 داوا لە حکومەتی عێراق و لایەنە پەیوەندیدارەکانی هەرێم دەکەم، دەستبەجێ لێکۆڵینەوەی ورد دەست پێ بکەن و ڕێکاری جدی  بگرنەبەر بۆ ڕێگریکردن لە دووبارەبوونەوەی ئەم جۆرە هێرشانە کەتیایدا هاوڵاتیانی مەدەنی دەبنە قوربانی  و خەڵکی کوردستان بەگشتی زیانمەندی سەرەکی دەبن.

قوباد تاڵەبانی
جێگری سەرۆکی ئەنجومەنی وەزیران
٢٦ی نیسانی ٢٠٢٤

PUKMEDIA