بۆچی هونه‌رمه‌ند جه‌ستن بیبه‌ر راسته‌وخۆ له‌ شاشه‌ ده‌رناكه‌وێ؟

بۆچی هونه‌رمه‌ند جه‌ستن بیبه‌ر راسته‌وخۆ له‌ شاشه‌ ده‌رناكه‌وێ؟

ئه‌گه‌رچی چاوه‌ڕوان ده‌كرێت ئه‌لبومی نوێی گۆرانیبێژی به‌ناوبانگی جیهانی جه‌ستن بیبه‌ر به‌ناوی what do you mean له‌ ماوه‌یه‌كی كورتداو به‌شێوه‌ی سیدی بگاته‌ ده‌ست هه‌وادارانی، له‌گه‌ڵ ئه‌وه‌شدا ئه‌سێره‌ی دره‌وشاوه‌ی بواری گۆرانی تائێستا هیچ لێدوانێك و چاوپێكه‌ وتنێكی ته‌له‌فزیۆنی سه‌باره‌ت به‌ ئه‌لبومه‌ نوێیه‌كه‌ ئه‌نجام نه‌داوه‌، كه‌ ئه‌مه‌ش هه‌ندێك پێیان وایه‌ ئه‌و گرووپه‌ هونه‌رمه‌نده‌ی له‌گه‌ڵ جه‌ستن بیبه‌ر كارده‌كه‌ن ده‌ترسن له‌ هه‌رده‌ركه‌وتنێكی راسته‌وخۆی گۆرانیبێژی ناوبراو.

هۆكاری ئه‌م ترسه‌ش بۆ ئه‌وه‌ ده‌گه‌ڕێته‌وه‌ كه‌ جه‌ستن بیبه‌ر نازانی له‌ به‌رامبه‌ر كامێرادا به‌جوانی قسه‌بكات و هه‌ڵه‌ی زۆر گه‌وره‌ ده‌كات ئه‌مه‌ش به‌ڕوونی دیار بوو له‌و چاوپێكه‌وتنه‌ی كه‌ دوو ساڵ پێش ئێستا له‌گه‌ڵ كه‌ ناڵێكدا ئه‌نجامیدا، كه‌ بووه‌ هۆی تووڕه‌كردنی به‌شێكی زۆری هه‌وادارانی، ئه‌مه‌ له‌كاتێكدا هونه‌رمه‌ند جه‌ستن بیبه‌ر ده‌یه‌وێت پارێزگاری له‌و سه‌ركه‌وتن و پێشچوونه‌ی خۆی بكات كه‌ له‌ماوه‌ی ئه‌و چه‌ند ساڵه‌ی دواییدا به‌ ده‌ستی هێنابوو له‌ بواری گۆرانی وتندا، كه‌ ئێستا به‌ یه‌كێك له‌ گۆرانیبێژه‌ به‌هره‌مه‌نده‌كان داده‌نرێت و هه‌وادارێكی زۆریشی هه‌یه‌ له‌ كه‌نه‌داو وڵاتانی تری جیهان، هه‌رئه‌مه‌ش بووه‌ته‌ هۆی ئه‌وه‌ی كه‌ جه‌ستن بیبه‌ر نه‌یه‌وێت له‌ به‌رده‌م كامێرای ته‌له‌فزیۆندا به‌ڕاسته‌وخۆ ده‌ربكه‌وێت، به‌ڵكو به‌ شێوه‌ی تۆماركراو دیمانه‌و چاوپێكه‌وتن ئه‌نجام ده‌دات بۆ ئه‌وه‌ی به‌شێوه‌یه‌كی رێك ده‌ربكه‌وێت و قسه‌ له‌سه‌ر به‌ر هه‌مه‌ نوێیه‌كانی بكات.

هونه‌رمه‌ند جه‌ستن بیبه‌ر كۆتا دیمانه‌ی به‌شێوه‌ی راسته‌وخۆ ده‌گه‌ڕێته‌وه‌ بۆ دوو ساڵ پێش ئێستا له‌گه‌ڵ كه‌ ناڵێك به‌ شێوه‌یه‌كی زۆر خراپ و توند ده‌ركه‌وت، ئه‌مه‌ش وایكرد به‌شێكی زۆری هه‌وادارانی ئه‌م گۆرانیبێژه‌ لاوه‌ بڕه‌نجێن، دوایی جه‌ستن داوای لێبووردنی له‌ هه‌واداره‌كانی كردو به‌ڵێنیدا كه‌جارێكی تر به‌و شێوه‌یه‌ ده‌رنه‌كه‌وێت.

PUKmedia و/ هونه‌ر باتاسی- سه‌ رچاوه‌:  jbc news