لەسلێمانی و رانیە دژی بۆردومانەكانی توركیا خۆپیشاندان ئەنجامدرا

بۆردومانەكانی توركیا بە بەرنامە بۆ داڕێژراو ناودەبەن

بۆ ئیدانەكردنی بۆردومانەكانی بەرەبەیانی ئەمڕۆی توركیا بۆ سەر گوندی زارگەلی بناری قەندیل كە بەهۆیەوە ژمارەیەك هاووڵاتی مەدەنی شەهیدو بریندار بوون لەشاری سلێمانی و رانیە خۆپشیاندان ئەنجامدا.

خۆپیشاندەران وێڕای ئیدانەكردنی بۆردومانەكانی توركیا كە ئەمڕۆ بوە هۆی شەهید بوونی ژمارەیەك هاووڵاتی مەدەنی، هاوكات راشیانگەیاند بۆردومانەكانی توركیا بۆ سەر گەریلاو دواتریش شەهیدكردنی هاووڵاتیانی مەدەنی بەرنامە بۆ داڕێژكراو بووەو پێویستە بەرپرسانی هەرێم هەڵوێستی جیدیان هەبێت. 

PUKmedia تایبەت