یه‌كێتی ئه‌وروپا: ئه‌گه‌ر رێككه‌وتنمان ده‌وێت ئێستا كاتێتی

یه‌كێتی ئه‌وروپا: ئه‌گه‌ر رێككه‌وتنمان ده‌وێت ئێستا كاتێتی

رێكخه‌ری كاروباری سیاسه‌تی ده‌ره‌وه‌ی یه‌كێتی ئه‌وروپا رایگه‌یاند: ئه‌گه‌ر رێككه‌وتنمان ده‌وێت ئێستا كاتێتی.

به‌مه‌به‌ستی به‌شداریكردن له‌ دوایین قۆناغی دانوستانه‌ ئه‌تۆمییه‌كه‌ی نێوان وڵاتانی 1+5 و ئێران، فێدریكۆ موگرینی رێكخه‌ری كاروباری سیاسه‌تی ده‌ره‌وه‌ی یه‌كێتی ئه‌وروپا گه‌یشته‌ ڤیه‌ننای پایته‌ختی نه‌مسا.

رێكخه‌ری سیاسه‌تی ده‌ره‌وه‌ی یه‌كێتی ئه‌وروپا له‌ یه‌كه‌مین لێدوانی خۆی بۆ میدیاكان رایگه‌یاند: ئه‌گه‌ر رێككه‌وتنمان ده‌وێت ئه‌وه‌ ئێستا كاتی خۆیه‌تی و ده‌بێت هه‌ر ئێستا ئه‌و رێككه‌وتنه‌ ئه‌نجام بدرێت.

جێی باسه‌ له‌ ماوه‌ی 10 رۆژی رابردوودا ئه‌وه‌ بۆ سێیه‌مجاره‌ كه‌ رێكخه‌ری كاروباری سیاسه‌تی ده‌ره‌وه‌ی یه‌كێتی ئه‌وروپا به‌شداری دانوستانه‌ ئه‌تۆمییه‌كه‌ ده‌كات.

PUKmedia و/ جه‌واد حه‌یده‌ری
سه‌رچاوه‌: ئاژانسی میهر