بان كی مۆن: 125 هه‌زار توندڕه‌و رویان له‌عیراق و سوریا كردووه‌

ته‌مه‌نیان له‌ نێوان 15 بۆ 35 ساڵاندایه‌

سكرتێری گشتی نه‌ته‌وه‌یه‌كگرتووه‌كان رایده‌گه‌یه‌نێت، زیاتر له‌ 125 هه‌زار توندڕه‌و له‌ 100 وڵاته‌وه‌ روویان له‌عیراق و سوریا كردووه‌.

بان كی مۆن سكرتێری گشتی نه‌ته‌وه‌یه‌كگرتووه‌كان له‌كۆبوونه‌وه‌ی ئه‌نجومه‌نی ئاسایشی نێوده‌وڵه‌تی رایگه‌یاند: زیاتر له‌ 125 هه‌زار توندڕه‌و له‌ 100 وڵاته‌وه‌ بۆ شه‌ڕكردن روویان له‌ عیراق و سوریا كردووه‌ كه‌ ته‌مه‌نیان له‌ نێوان 15 بۆ 35 ساڵاندایه‌.

سكرتێری گشتی نه‌ته‌وه‌یه‌كگرتووه‌كان نیگه‌رانی نه‌ته‌وه‌یه‌كگرتووه‌كانیشی ده‌رباره‌ی خراپبوونی بارودۆخی ئه‌م دواییه‌ی عیراق و سوریا ده‌ربڕی.

راشیگه‌یاند: له‌ ناوه‌ڕاستی ساڵی رابردوه‌وه‌ رێژه‌ی چوونی توندڕه‌وه‌ بیانییه‌كان بۆ عیراق و سوریا 70% زیادیكردووه‌ و خراپبوونی زیاتری بارودۆخی عیراق و سوریا ده‌بێته‌ هه‌ڕه‌شه‌ی زیاتر بۆ سه‌ر ئاسایش و سه‌قامگیریی ناوچه‌كه‌.

 ئه‌وه‌شی ئاشكراكرد: نه‌ته‌وه‌یه‌كگرتووه‌كان به‌نیازه‌ پلانێكی كار بۆ رێگركردن له‌توندڕه‌وی پێشكه‌ش بكات.

PUKmedia له‌ئاژانسه‌كانه‌وه‌