به‌ڕێوه‌به‌ری بانكی سه‌یدسادق ئازادكرا

دادگای پێهه‌ڵچوونه‌وه‌ی سلێمانی بڕیاری ده‌ستگیركردنه‌كه‌ی هه‌ڵوه‌شاندوه‌ته‌وه‌

پاش ئه‌وه‌ی له‌چه‌ند رۆژی رابردوودا به‌ڕێوه‌به‌ری بانكی قه‌زای سه‌یدسادق به‌هۆی چه‌ند كێشه‌یه‌كی ئیدارییه‌وه‌ به‌ فه‌رمانی دادوه‌ر ده‌ستگیركرا, به‌یانی ئه‌مڕۆ 27-5-2015 پاش گۆڕینی سزاكه‌ی ئازادكرا.

دیاری ره‌فیق قائیمقامی قه‌زای سه‌یدسادق له‌لێدوانێكیدا بۆ PUKmedia رایگه‌یاند: به‌هۆی هه‌بوونی چه‌ند كێشه‌یه‌كی ئیداری له‌بانكی قه‌زاكه‌، له‌چه‌ند رۆژی رابروودا دادوه‌ر به‌پێی مادده‌ی (229) سزادانی عیراقی فه‌رمانی ده‌ستبه‌سه‌ركردنی به‌ڕێوه‌به‌ری بانكی سه‌یدسادقی بۆ ماوه‌ی یه‌ك مانگ ده‌ركرد.

وتیشی: هه‌ر له‌و چواچێوه‌یه‌دا و به‌هۆی ئه‌وه‌ی كه‌ كێشه‌ ئیدارییه‌كان  ته‌نها چه‌ند حاڵه‌تێك بووه‌ و چاره‌سه‌ركراون، بۆیه‌ به‌ڕێوه‌به‌ری بانكی سه‌یدسادق له‌رێگه‌ی پارێزه‌ره‌كه‌یه‌وه‌ داوای ته‌میزكردنه‌وه‌ی بڕیاره‌كه‌ی كردووه‌.

قائیمقامی قه‌زای سه‌یدسادق راشیگه‌یاند: دادگای تێهه‌ڵچوونه‌وه‌ی سلێمانی بڕیاری ده‌ستگیركردنه‌كه‌ی هه‌ڵوه‌شاندوه‌ته‌وه‌ له‌پاش غه‌رامه‌كردنی به‌بڕی 200 هه‌زار دينار به‌ڕێوه‌به‌ری بانكی قه‌زای سه‌یدسادقی ئازادكرد.

 
PUKmedia ئه‌حمه‌د مسته‌فا