مێشووله‌ زیاتر خوێنی كێی لا په‌سه‌نده‌؟

.

زۆرن ئه‌و دروستكراو و ئاژه‌ڵانه‌ی له‌سه‌ر رووی زه‌وی كه‌ مرۆڤ حه‌زیان پێناكات، یه‌كێك له‌وانه‌ مێشوله‌یه‌، مێش به‌ته‌نها جه‌سته‌ تووشی خورانی سه‌رتاپایی ناكات، به‌ڵكو چه‌ندین نه‌خۆشی ده‌گوازێته‌وه‌ بۆ مرۆڤ.

بۆ چه‌ندین ساڵ زاناكان توشی سه‌رسوڕمانی بوون له‌وه‌ی كه‌چی وا له‌ مێش ده‌كات خوێنی هه‌ندێك كه‌س زیاتر له‌ هه‌ندێكی تر هه‌ڵمژێت، لێكۆڵینه‌وه‌ی نوێ پێشنیاری ئه‌وه‌ی كردووه‌ كه‌ ده‌كرێت له‌ڕێی چینه‌كانی مرۆڤه‌وه‌ بتوانرێت شتێك بدۆزرێته‌وه‌، زاناكان ئه‌م بیردۆزه‌یان تاقیكرده‌وه‌ به‌ پرسیاركردن له‌ 18 دووانه‌ی وه‌ك یه‌ك له‌ چینه‌كانداو له‌ 19 دووانه‌ی برا كه‌ له‌ جینه‌كان له‌ یه‌كتر جیاوازبن، بۆ زانینی راده‌ی ئارامگرتنیان له‌سه‌ر هێرشی مێش، بۆ ئه‌م مه‌به‌سته‌ ده‌ستی هه‌ریه‌ك له‌ منداڵه‌كان له‌ شوشه‌یه‌ك دانراو 20 مێشوله‌ی مێ ئازادكران بۆ چوونه‌سه‌ر هه‌ر ده‌ستێك كه‌ حه‌ز به‌ بۆنی بكه‌ن.

جه‌یمس لۆگانه‌ به‌ڕێوه‌به‌ری لێكۆڵینه‌وه‌كه‌و سه‌رۆك به‌شی مێرووله‌ناسی له‌ زانكۆی له‌نده‌ن ده‌ڵێت "له‌ ئه‌نجامی لێكۆڵینه‌وه‌كه‌ماندا ده‌ركه‌وت كه‌ ئه‌و دووانانه‌ی له‌ چینه‌كاندا وه‌ك یه‌كن هێزی راكێشانیان له‌یه‌ك نزیكه‌ بۆ مێشووله‌، هه‌رچی ئه‌و دووانانه‌ی كه‌ له‌ڕووی چینه‌كانه‌وه‌ به‌یه‌كتر ناچن ئاستی راكێشانیان له‌یه‌كتر جیاواز بوو".

به‌ بۆچوونی جه‌یمس "راده‌ی سه‌رنجڕاكێش بوون یان نه‌بوونی كه‌سێك له‌لایه‌ن مێشووله‌وه‌ له‌ باوانه‌وه‌ كۆنرۆڵكراوه‌".

كاری داهاتووی جه‌یمس بریتیده‌بێت له‌ لێكۆڵینه‌وه‌ی ئه‌وه‌ی ئاخۆ كامه‌ جین به‌رپرسه‌ له‌ راكێشانی مێش بۆ سه‌ر جه‌سته‌ی مرۆڤ.

هه‌روه‌ك پزیشكی بواری مێشووله‌ناسی له‌ زانكۆی هارڤارد بۆ ته‌ندروستی گشتی د.ریجارد پۆڵاك باسیكرد كه‌ "مێشووله‌ هۆكاری سه‌ره‌كی گواستنه‌وه‌ی چه‌ندان نه‌خۆشی و ڤایرۆسی وه‌ك ڤایرۆسی تای زه‌ردو زۆر جۆری تر له‌ ڤایرۆسن، هه‌رچه‌ند ئێمه‌ زیاتر بزانین له‌سه‌ر مێش و مه‌گه‌ز، زیاتر ده‌توانین خۆمان بپارێزین".

PUKmedia  و/ هونه‌ر باتاسی
سه‌/ RYOT