كرماشان ..مین 5 پاسه‌وانی سنور ده‌كوژێت

له‌سێ رۆژدا مین یه‌ك كه‌س بریندار ده‌كات

دوێنێ 30-3-2015 ده‌رئه‌نجامی ته‌قینه‌وه‌ی  مین له‌ پارێزگای كرماشان پێنج سه‌ربازی پاسه‌وانی سنوری ئێران له‌ پارێزگای كرماشان  گیانیان له‌ده‌ستداوه‌.

نیعمه‌ت لله‌ ناز په‌روه‌رده‌ جێگری كاروباری سیاسی و فه‌رمانده‌ی قه‌زای قه‌سری شیرینی سه‌ربه‌پارێزگای كرماشان رایگه‌یاندوه‌: پێنج سه‌ربازی هێزه‌كانی پاسه‌وانی سنور له‌كاتی سوڕانه‌وه‌ له‌ناوچه‌ سنوریه‌كانی ئێران - عیراق له‌ئه‌نجامی ته‌قینه‌وه‌ی مینێكدا گیانیان له‌ده‌ستداوه‌. 

ئه‌و به‌رپرسه‌ی قه‌زای قه‌سری شیرین ئاماژه‌ی به‌وه‌شداوه‌: ساڵی رابردوو به‌هۆی مینه‌وه‌ هاووڵاتی  له‌و سنوره‌ به‌هۆی مین گیانیان له‌ده‌ستداوه‌و له‌به‌رامبه‌ریشدا حكومه‌ت ده‌سته‌وه‌ستان نه‌بووه‌ و روبه‌رێكی زۆری چێنراو له‌مینی له‌ سنوری نێوان ئێران – عیراق پاككردوه‌ته‌وه‌.

به‌پێی زانیاریه‌كانی PUKmedia له‌سنوری نێوان عێراق – ئێران زیاتر له‌ چوار ملیۆن و 200 هه‌زار هێكتار زه‌وی به‌مین چێنراوه‌و هه‌ر سێ رۆژ جارێك هاووڵاتیه‌ك به‌هۆی مینه‌وه‌ بریندارده‌بێت، له‌سنوری نێوان قه‌سری شیرین و ناوچه‌كانی خانه‌قینی هه‌رسنوری هه‌رێمی كوردستان به‌تایبه‌ت له‌هه‌ردوو گوندی ئه‌لی میر و مه‌حمود قه‌جه‌ر له‌لایه‌ن رژێمی به‌عسه‌وه‌و له‌ شه‌ڕی نێوان عیراق و ئێران زیاتر له‌ 200 هه‌زار مین چێنراون.

PUKmedia  سامان یاروه‌یس