په‌لامارێكی داعش تێكده‌شكێنرێت

تیرۆرستان تێكشكاون و هه‌شت لاشه‌یان لێبه‌جێماون

تیرۆرستانی داعش له‌سێ قۆڵه‌وه‌ په‌لاماری به‌نداوی عوزێم له‌پاریزگای دیاله‌ ده‌ده‌ن و دوای شه‌ڕێكی دوو سه‌عاتی تێكده‌شكێنرێن و ژماره‌یه‌كیان لێده‌كوژرێت.

زاهد تاهر ئه‌ندامی ئه‌نجومه‌نی پارێزگای دیاله‌ له‌وباره‌یه‌وه‌ به‌ PUKmedia ی راگه‌یاند: ئێواره‌ی دوێنێ 28-1-2015 تیرۆرستانی داعش له‌سێ قۆڵه‌وه‌ په‌لاماری هێزه‌كانی سوپایانداوه‌ له‌سه‌ر به‌نداوی عوزێم و دوای شه‌ڕێكی دوو سه‌عاتی تیرۆرستان تێكشكاون و هه‌شت  لاشه‌یان لێبه‌جێماون.

وتیشی: تیرۆرستانی داعش له‌ پارێزگای سڵاحه‌دینه‌وه‌ هێزیان هێنابوو بۆ ئه‌وه‌ی به‌نداوه‌كه‌ كۆنترۆڵبكه‌نه‌وه‌و جارێكی تر بێنه‌وه‌ بۆ ناو پارێزگای دیاله‌ به‌ڵام پلانه‌كه‌یانشكستی هێناوه‌و بۆیان نه‌چووه‌ته‌ سه‌ر.

زاهد تاهر ئاماژه‌ی به‌وه‌شدا:تیرۆرستانی داعش هیچ مۆڵگه‌یه‌كیان له‌ناو پارێزگای دیاله‌ نه‌ماوه‌و به‌ته‌واوی شكستیان خواردوه‌، بۆیه‌ مه‌حاڵه‌ جارێكی تر بتوانن بگه‌ڕێنه‌وه‌ بۆ ناو پارێزگاكه‌.

PUKmedia   سامان یاروه‌یس