خوێندنگه‌یه‌ك دروشمه‌كانی پێشمه‌رگه‌ له‌سه‌ر كارتی خوێندكاران جێگیرده‌كات

پێشمه‌رگه‌ قه‌ڵای به‌رگریكردنه‌ له‌ زانست و په‌روه‌رده‌

له‌لایه‌ن خوێندنگای ئاماده‌یی هاوكاری تێكه‌ڵی سنوری په‌روه‌رده‌ی كه‌لار به‌شێوه‌یه‌كی جیاواز رێز له‌قاره‌مانیه‌تی و خه‌باتی پێشمه‌رگه‌ ده‌گیرێت و له‌سه‌ر كارتی نمره‌ی خوێندكاران دروشمی پێشمه‌رگه‌ ده‌نوسرێته‌وه‌.

پێشكه‌وت ئیبراهیم به‌رێوبه‌ری خوێندنگای هاوكاری تێكه‌ڵ له‌وباره‌یه‌وه‌ به‌ PUKmedia ی راگه‌یاند: وه‌كو وه‌فایه‌ك بۆ سه‌رجه‌م ئه‌و داستان و مێژووه‌ پرِ شكۆیه‌یی كه‌ هیزه‌كانی پێشمه‌رگه‌ بۆ نه‌ته‌وه‌كه‌مانیان تۆماركردوه‌ له‌ به‌رامبه‌ر هه‌موو ئه‌و مه‌ینه‌تی و به‌رگری و شه‌ونخونیانه‌ی كه‌  ئه‌نجامیان داوه‌، له‌سه‌رماو گه‌رماو كه‌شو هه‌وای ناله‌به‌رو بێ مووچه‌ی بڕیارماندا له‌ژێر دروشمی (پێشمه‌رگه‌ قه‌ڵای به‌رگریكردنه‌ له‌ زانست و په‌روه‌رده‌) كه‌له‌سه‌ر كارتی نمره‌كانی خوێندكاران نوسرابون رێز له‌پێشمه‌رگه‌ بگرین.

وتیشی: له‌ئێستادا پێشمه‌رگه‌ له‌ بری هه‌موو جیهان شه‌ڕی تیرۆرو تیرۆیستان ئه‌كه‌ن بۆیه‌ هه‌میشه‌ شایانی رِێزو وه‌فان پیێویسته‌ ناویان به‌ به‌رزی رابگرین و هه‌میشه‌ رێز له‌و ئیراده‌ به‌هێزو قاره‌مانانه‌یان بگرین كه‌ خاكی نیشتمانه‌كه‌مانیان له‌ده‌ستی ره‌شی تیرۆرستان پاراستوون. 

PUKmedia سامان یاروه‌یس