لێكۆڵینه‌وه‌یه‌ك.. به‌چیدا ده‌زانیت خۆشه‌ویسته‌كه‌ت راست ده‌كات له‌گه‌ڵت؟

لێكۆڵینه‌وه‌یه‌ك.. به‌چیدا ده‌زانیت خۆشه‌ویسته‌كه‌ت راست ده‌كات له‌گه‌ڵت؟

لێكۆڵینه‌وه‌یه‌ك ده‌ریخستووه‌ كه‌ پێكه‌وه‌ پلاندانان بۆ پشووه‌كان و لێخوڕینی ئۆتۆمبێلی یه‌كترو هه‌ڵگرتنی كلیلی ماڵی یه‌كتر، له‌و نیشانانه‌ن كه‌ ده‌یسه‌لمێنن په‌یوه‌ندی خۆشه‌ویستی نێوان كوڕو كچ شێلگیر (جددی)ـه‌.

لێكۆڵینه‌وه‌كه‌ پاش پرسیاركردن له‌ دوو هه‌زار كه‌س، 50 دیارترین نیشانه‌ی ده‌ستنیشانكردووه‌ كه‌ ئاماژه‌ن بۆ ئه‌وه‌ی ئه‌و دوو كه‌سه‌ی په‌یوه‌ندییان پێكه‌وه‌ هه‌یه‌، په‌یوه‌ندییه‌كه‌یان شێلگیره‌وه‌ درۆ له‌گه‌ڵ یه‌كتردا ناكه‌ن.

به‌گوێره‌ی لێكۆڵینه‌وه‌كه‌، دابه‌زاندنی وێنه‌ی په‌یوه‌ندیدار به‌ خۆشه‌ویستییه‌كه‌یان له‌ فه‌یسبوك و گۆڕینی ستاتوسی ئه‌كاونته‌كه‌یان له‌و ماڵپه‌ڕه‌ بۆ In a relationship واته‌ په‌یوه‌ندی له‌گه‌ڵ كه‌سێكدا هه‌یه‌و یه‌كترناساندن به‌ بازنه‌یه‌كی فراوانی هاوڕێی یه‌كتر، له‌و نیشانانه‌ن كه‌ ده‌یسله‌مێنن په‌یوه‌ندی نێوان كوڕو كچ شێلگیره‌و شه‌ومانه‌وه‌ له‌لای یه‌كترو یه‌كتر ئاگاداركردنه‌وه‌ له‌ ورده‌كاری موچه‌، به‌ڵگه‌ی متمانه‌و زیادبوونی خۆشه‌ویستی نێوانیانه‌.

هه‌ر به‌گوێره‌ی ئه‌و لێكۆڵینه‌وه‌یه‌ كه‌ كۆمپانیای هێڵی ئاسمانی مۆنارك له‌ به‌ریتانیا ئه‌نجامیداوه‌، ئه‌و كه‌سانه‌ی په‌یوه‌ندی خۆشه‌ویستیان پێكه‌وه‌ هه‌یه‌، پێنج مانگیان پێویسته‌ تا په‌یوه‌ندییه‌كه‌ به‌ شێلگیر دابنێن.

لێكۆڵینه‌وه‌كه‌ تیشكی خستووه‌ته‌سه‌ر ئه‌وه‌ی كه‌ كوڕان و كچان تا زیاتر له‌گه‌ڵ یه‌كدا ئاسووده‌و ساده‌ بن، په‌یوه‌ندییه‌كه‌یان به‌ شێلگیرتر داده‌نێن، ئه‌مه‌ش بینینی یه‌كتر به‌بێ ماكیاژو پێكه‌وه‌ حه‌مامكردن و به‌بیجامه‌وه‌ سوڕانه‌وه‌ له‌ ماڵداو ته‌نانه‌ت به‌ڕاشكاوی باسكردنی ره‌وشی ته‌ندروستییان، له‌خۆده‌گرێت.

هه‌ر له‌لیستی دیارترین 50 به‌ڵگه‌ له‌سه‌ر په‌یوه‌ندییه‌كی شێلگیر له‌ نێوان كوڕو كچدا، پێدانی ورده‌كاری تایبه‌ت به‌ یه‌كتر وه‌ك پاسۆردو و ناردنی (به‌یانی باش) و (شه‌وباش) به‌ تێكست و زۆر وتنی (خۆشم ده‌وێیت) و باسكردنی ئاشكراكردنی په‌یوه‌ندییه‌ سێكسییه‌ كۆنه‌كان بۆ یه‌كترو پێكه‌وه‌ كڕینی سه‌گ یان پشیله‌ هاتون.

PUKmedia وه‌رگێڕانی له‌ئینگلیزییه‌وه‌/ والی عه‌لی

سه‌رچاوه‌: dailymail.co.uk