فڕۆكه‌یه‌كی سه‌ربازی میسر كه‌وته‌خواره‌وه‌

چوار فڕۆكه‌وانی میسری و ئیماراتی گیانیانله‌ده‌ستداوه‌

ئاژانسی هه‌واڵی فه‌ره‌نسا رایده‌گه‌یه‌نێت كه‌ فڕۆكه‌یه‌كی جه‌نگی سوپای میسر له‌كاتی مانۆری سه‌ربازی هاوبه‌شی نێوان میسر و ئیمارات كه‌وتووه‌ته‌ خواره‌وه‌و چوار فڕۆكه‌وانی میسری و ئیماراتی گیانیانله‌ده‌ستداوه‌.

ئه‌وه‌شی بڵاوكردووه‌ته‌وه‌: وته‌بێژی سوپای میسر و ناوه‌ندی گشتی هێزه‌كانی سوپای ئیماراتیش  رووداوه‌كه‌یان پشتراست كردووه‌ته‌وه‌.

وته‌بێژه‌كه‌ی سوپای میسر له‌لێدوانێكیدا بۆ ئاژانسی فه‌ره‌نسا ئه‌وه‌ی ئاشكراكردووه‌: له‌ئه‌نجامی كه‌وتنه‌ خواره‌وه‌ی فڕۆكه‌ سه‌ربازیه‌كه‌ دوو ئه‌فسه‌ری میسری و دوو ئه‌فسه‌ری ئیماراتی گیانیانله‌ده‌ستداوه‌.

 له‌باره‌ی هۆكاری رووداوه‌كه‌ش وتویه‌تی: تا ئێستا هیچ زانیاریه‌ك له‌وباره‌یه‌وه‌ دووپاتنه‌كراوه‌ته‌وه‌ ، به‌ڵام لیژنه‌یه‌ك بۆ لێكۆڵینه‌وه‌ له‌رووداوه‌كه‌ له‌نێوان هه‌ردوو وڵات پێكهێنراوه‌و لێكۆڵینه‌وه‌ش به‌رده‌وامه‌

PUKmedia   سامان یاروه‌یس