رۆڵی پێشمه‌رگه‌ به‌رز ده‌نرخێنرێت

هێزی پێشمه‌رگه

ئه‌مڕۆ 30-7-2014 نوێنه‌ری سكرتێری گشتی یه‌كێتیی نیشتمانیی كوردستان و جێگری فه‌رمانده‌ی هێزه‌كانی پشتیوانی سه‌ر به‌ هێزه‌كانی پێشمه‌رگه‌و جێگری فه‌رمانده‌ی هێزه‌كانی پێشمه‌رگه‌ له‌ میحوه‌ری گه‌رمه‌سێر، هێزه‌كانی پێشمه‌رگه‌یان له‌ جه‌له‌ولا به‌سه‌ركرده‌وه‌.

لیوا روكن ئیسماعیل سه‌رحان جێگری فه‌رمانده‌ی هێزه‌كانی پشتیوانی سه‌ر به‌ هێزه‌كانی پێشمه‌رگه‌ به‌ PUKmedia ی راگه‌یاند: ئه‌مڕۆ به‌ یاوه‌ری لیوا محه‌مه‌د حاجی قادر جێگری فه‌رمانده‌ی هێزه‌كانی پێشمه‌رگه‌ له‌ میحوه‌ری گه‌رمه‌سێرو ئیبراهیم عه‌لی ره‌زا نوێنه‌ری سكرتێری گشتی یه‌كێتیی نیشتمانیی كوردستان، هێزه‌كانی پێشمه‌رگه‌مان له‌ سه‌نگه‌ره‌كانی به‌رگری به‌سه‌ركرده‌وه‌.

وتیشی: له‌و به‌سه‌ركردنه‌وه‌یه‌دا رۆڵی پێشمه‌رگه‌ به‌رز نرخێندرا به‌وه‌ی كه‌ له‌ رۆژانی جه‌ژندا ئه‌وان له‌ پاراستنی خامی میللـه‌ته‌كه‌ماندا بوون و هاووڵاتیان به‌ ئارامی رۆژانی جه‌ژنیان به‌سه‌ربردووه‌.

PUKmedia  هه‌ڵمه‌ت خانه‌قینی