كۆسره‌ت ڕه‌سول عه‌لی پێشوازی له‌ د. به‌رهه‌م ساڵح كرد

.

پێشنیوه‌ڕۆی ئه‌مڕۆ سێشه‌ممه‌ 20-4-2021 كۆسره‌ت ڕه‌سول عه‌لی سه‌رۆكی ئه‌نجومه‌نی باڵای سیاسی و به‌رژه‌وه‌ندی یه‌كێتی نیشتمانی كوردستان پێشوازیكرد له‌ د. به‌رهه‌م ئه‌حمه‌د ساڵح سه‌رۆك كۆماری عێراق.

له‌ دیداره‌كه‌دا سه‌رۆك كۆماری عێراق به‌خێرهاتنه‌وه‌ی كۆسره‌ت ڕه‌سول عه‌لی كردو باسی له‌ ڕۆڵی گرنگی كۆسره‌ت ڕه‌سول له‌ رابردوو كردو دڵخۆشی خۆشی به‌ باشی ته‌ندروستی به‌ڕێزیان ده‌ربڕی.

د. به‌رهه‌م ساڵح سه‌رۆك كۆماری عێراق كورته‌یه‌كی له‌باره‌ی دۆخی عێراق و ناوچه‌كه‌ بۆ سه‌رۆكی ئه‌نجومه‌نی باڵای سیاسی و به‌رژه‌وه‌ندی یه‌كێتی خسته‌ڕوو، هه‌ردوولا جه‌ختیان له‌ گرنگی ته‌بایی و یه‌كڕیزی كرده‌وه‌.

لای خۆیه‌وه‌ كۆسره‌ت ڕه‌سول عه‌لی سوپاسی سه‌رۆك كۆماری عێراقی كرد.

PUKmedia