توركیا.. ژماره‌یه‌كی نوێی توشبوون به‌كۆرۆنا تۆمار ده‌كرێت

.

هاوته‌ریب به‌پاشه‌كشه‌ی به‌رزبوونه‌وه‌ی تێكڕایی ژماره‌ی گیانله‌ده‌ستدان به‌ڤایرۆسی كۆرۆنا له‌وڵاتی توركیا، ژماره‌ی چاكبووانیش زیادی كردووه‌.

ئه‌مڕۆ 5-2-2020، فه‌خره‌دین قوجه‌ وه‌زیری ته‌ندروستی توركیا رایگه‌یاند: كه‌ كۆی ژماره‌ی توشبوون به‌كۆڤید-19 له‌ماوه‌ی 24 كاژێری رابردوودا گه‌یشتۆته‌ 1983 حاڵه‌ت، به‌وه‌ش كۆی گشتی ژماره‌ی توشبووان گه‌یشته‌ 124375 حاڵه‌ت.

قوجه‌ ده‌شڵێت: ئه‌و ژماره‌یه‌ ئاماژه‌یه‌كه‌ بۆئه‌وه‌ی كه‌ حاڵه‌ته‌كانی توشبوون به‌ڤایرۆسه‌كه‌ به‌شێوه‌یه‌كی به‌رچاو له‌كه‌مبوونه‌وه‌دایه‌، دوێنێ 2188 حاڵه‌تی توشبوون تۆماركرابوون.

فه‌خره‌دین قوجه‌ ئاماژه‌شی داوه‌ به‌ ژماره‌ی گیانله‌ده‌ستدان و رایگه‌یاندوه‌ كه‌ له‌ماوه‌ی 24 كاتژمێری رابردوودا 78 حاڵه‌تی گیانله‌ده‌ستدان تۆماركراون، به‌وه‌ش كۆی گشتی ژماره‌ی گیانله‌ده‌ستدان گه‌یشته‌ 3336 كه‌س، به‌ڵام دوێنی 1ی ئایار 84 حاڵه‌تی گیانله‌ده‌ستدان تۆماكرابوون.

PUKmedia روسیا الیوم