نوێكراوه‌ته‌وه.. ئۆتۆمبێلێك له‌ چیای ئه‌زمه‌ڕ ده‌كه‌وێته‌ خواره‌وه‌‌

تا ئێستا كه‌س خۆی نه‌كردوه‌ به‌خاوه‌نی ئه‌و ئۆتۆمبێله‌

وته‌بێژی پۆليسی سلێمانی رایده‌گه‌یه‌نێت كه‌مێك پێش ئێستا له‌ چیای ئه‌زمه‌ڕ ئۆتۆمبێلێكی بێ سه‌ر نشین كه‌وته‌ خواره‌وه‌و خاوه‌ن و سه‌رنشینانی ئۆتۆمبێله‌كه‌ش تا ئێستا دیار نین .

سه‌ركه‌وت ئه‌حمه‌د وته‌بێژی پۆليسی سلێمانی تایبه‌ت به‌ PUKmedia ی راگه‌یاند: كه‌مێك پێش ئێستا له‌ چیای ئه‌زمه‌ڕ ئۆتۆمبێلێكی بێ سه‌ر نشین كه‌وته‌ خواره‌وه‌و له‌ئێستاشدا هیچ ته‌رمێك له‌ شوێنی رووداوه‌كه‌ نه‌دۆزراوه‌ته‌وه‌و كه‌سیش له‌ئێستادا خۆی نه‌كردوه‌ به‌ خاوه‌نی ئه‌و ئۆتۆمبێله‌.

وتیشی: له‌ ئێستا ئۆتۆمبێله‌ وه‌رگه‌ڕاوه‌كه‌ دۆزراوه‌ته‌وه‌و به‌هۆی تاریكی شوێنه‌كه‌و زۆری شێواوی ئۆتۆمبێله‌كه‌وه‌ نه‌ جۆری ئۆتۆمبێله‌كه‌و نه‌ ژماره‌ی ئۆتۆمبێله‌كه‌ دیار نییه‌، به‌ڵام پێده‌چێت ئۆتۆمبێله‌كه‌ ره‌قه‌می سلێمانی نه‌بێت.

PUKmedia دیار ستار- سلێمانی