کارئاسانی زیاتر بۆ وەربەهێنانی گەرمیان دەکرێت

تایبەت

کۆبوونەوەی بۆردی وەبەرهێنانی ئیدارەی گەرمیان

بۆردی وەبەرهێنانی ئیدارەی گەرمیان، ئاسانکاری زیاتر بۆ وەبەرهێنەرانی ناوچەکە دەکات و  رێکاری تەواوکردنی پرۆژە تەواونەکراوەکانیش دەگرێتە بەر.

ئەمڕۆ 17ی6ی2026، بۆردی وەبەرهێنانی ئیدارەی گەرمیان بە سەرپەرشتی سەرپەرشتیاری ئیدارەی گەرمیان و ئامادەبوونی قایمقامی قەزای کفری کۆبووەوە و تیایدا چارەسەری گرفتەکانی بەردەم وەبەرهێنان و بوژاندنەوەی زیاتری کەرتی وەبەرهێنانی قەزاکە تاوتوێ کرا.

هەر لەکۆبوونەوەکەدا؛ تاوتوێ سەرجەم ئەوگرفتانە کرا کە بونەتە هۆی دواکەوتنی ئەو پرۆژانەی کە لە ماوەی ڕابردوودا چونەتە بواری جێبەجێکردن و لە ئێستادا کارکردن تیایاندا ڕاگیراوە، بۆ ئەومەبەستە ڕێکارەکانی خستنەگەڕیان و چارەسەرکردنی گرفتەکانیان باسی لێوەکرا.

تەوەری کۆتایی کۆبوونەوەکەش، تایبەت بوو بە رەخساندنی دەرفەتی زیاتر بۆ وەبەرهێنان، بۆ ئەوەی پرۆژەی وەبەرهێنان لەسنورەکە ئەنجام بدەن، بۆیە بڕیاردرا لەچوارچێوەی یاسا و ڕێنماییەکان ئاسانکاری بکرێت بۆ وەبەرهێنان بۆ ئەنجامدانی پرۆژە لە سنووری قەزای کفری.

PUKMEDIA